Zohran Mamdani : महापौर पदाची शपथ घेतल्यानंतर लगेचच ममदानींचा भारतविरोध

मुंबई : (Zohran Mamdani) अमेरिकेतील न्यूयॉर्क शहराच्या महापौर पदाची शपथ घेतल्यानंतर, लगेचच झोहरान ममदानी यांनी सध्या तुरूंगात असलेला जवाहरलाल नेहरू विद्यापीठाचा माजी विद्यार्थी नेता उमर खालिद याला एक पत्र पाठवले आहे. त्या पत्रात त्यांनी, "प्रिय उमर, मला कठीण काळात तुझे शब्द नेहमी आठवतात की, याच वेळात स्वत: ला खंबीरपणे उभे करता येऊ शकते. तुझ्या आई-वडिलांना भेटून खूप आनंद झाला. आम्ही सर्वजण तुझाच विचार करत आहोत." (Zohran Mamdani)

गेल्या एक जानेवारीलाच ममदानी यांनी कुराणवर हात ठेवून न्यूयॉर्कच्या महापौर पदाची शपथ घेतली होती. त्यांनी शपथ घेतली त्याच दिवशी उमर खालिदची साथी ब्युनोज्योत्स्ना लहिरी यांनी या पत्राचा फोटो एक्सवर पोस्ट केला आहे. लहिरी यांनी यामध्ये सांगितले की, खालिदचे आई-वडिल साहिबा खानम आणि सय्यद कासिम रसूल इलियास हे डिसेंबर महिन्यात लग्नाच्या निमित्ताने अमेरिकेत गेले होते. त्यावेळी त्यांनी ममदानी यांची भेट घेतली. या भेटीदरम्यान ममदानी यांनी खालिदच्या आई-वडिलांना हे पत्र दिले. (Zohran Mamdani)

हेही वाचा : Pimpri Chinchwad : भाजपाचे चार उमेदवार बिनविरोध; पुणे आणि पिंपरी चिंचवड मध्ये भाजपाने खाते उघडले

या पत्रावरून ममदानी यांचे मुस्लिमधार्जिणे धोरण पुन्हा एकदा सिद्ध झाल्याची टीका होत आहे. कारण ते स्वत: ला भारतीय वंशाचे म्हणवून घेत असले तरी, बांगलादेशात होणाऱ्या हिंदूंच्या हिंसाचारावर त्यांनी आतापर्यंत एक अवाक्षरही काढलेले नाही. त्यामुळे न्यूयॉर्क शहरात इतर धर्मियांच्या भावना दुखावल्या जाण्याची शक्यता नाकारण्यात येत नाही. (Zohran Mamdani)

उमर खालिद प्रकरण

२०१९ मध्ये केंद्र सरकारने नागरिकत्व सुधारणा कायदा (CAA) मंजूर केला. या कायद्याविरोधात २३ ते २६ फेब्रुवारी २०२० या काळात उत्तर-पूर्व दिल्लीमध्ये अचानक मोठ्या प्रमाणावर हिंसा उसळली. या दंगलींमध्ये ५० हून अधिक लोकांचा मृत्यू झाला. याप्रकरणात उमर खालिद याला दंगल घडवून आणल्याच्या आरोपाखाली UAPA बेकायदेशीर कारवाया प्रतिबंधक कायद्याअंतर्गत अटक करण्यात आली. त्याप्रकरणात आतापर्यंत एकूण सहा वेळा उमर खालिदचा नियमित जामीन नाकारण्यात आला आहे. (Zohran Mamdani)

हे वाचलात का ?: Navnath Ban : संघाचे कार्यालय महाराष्ट्रात आहे - नवनाथ बन

ममदानींचे मुस्लिम प्रतिनिधित्व आणि न्यूयॉर्कचे बदलते राजकारण

- झोहरान ममदानी हे न्यूयॉर्कचे पहिले मुस्लिम महापौर

- महापौर झाल्यानंतर त्यांनी इस्लामोफोबिया मुद्द्यावर विशेष लक्ष देणार असल्याचे ठामपणे नमूद केले.

- न्यूयॉर्कमधील मुस्लिम समुदायाच्या अपेक्षा वाढल्या

- मुस्लिमांविरूद्ध भेदभाव होऊ नये यासाठी शहर प्रशासनाकडून हेट-क्राइम प्रतिबंध यंत्रणा, जनजागृती मोहिमा आणि कायदेशीर मदत मिळणार आहे

- इमिग्रेशन अंमलबजावणी संस्थांना (ICE) शहर प्रशासन सहकार्य करणार असल्याने मुस्लिम स्थलांतरितांना कायदेशीर संरक्षण आणि सामाजिक सुरक्षितता मिळणार.