Mumbai BMC Results 2026 Live : सायन प्रभाग क्रमांक १७३मध्ये भाजपच्या शिल्पा केळुस्कर विजयी!

या प्रभागात महायुतीतील जागावाटपावरून मतभेद असल्याचे प्रचारादरम्यान स्पष्ट दिसून आले होते. दोन्ही पक्षांकडून स्वतंत्रपणे जोरदार प्रचार करण्यात आला. मात्र, मतदानाच्या दिवशी सायनमधील मतदारांनी भाजपच्या पारंपरिक विकासाच्या मुद्द्यांवर विश्वास दाखवत शिल्पा केळुस्कर यांच्या बाजूने कौल दिला. सायन परिसर हा पूर्वीपासून भाजपसाठी अनुकूल मानला जातो. २०१७ च्या महापालिका निवडणुकीतही या भागात भाजपने मजबूत कामगिरी केली होती. यंदाच्या निवडणुकीतही अंतर्गत कुस्ती असूनही भाजपने आपली पकड कायम ठेवली असल्याचे या निकालातून स्पष्ट झाले आहे. (Mumbai BMC Election Results 2026 Live)