"....नाही तर १०० टक्के टॅरिफ लावणार!" डोनाल्ड ट्रम्प यांनी रशियाला ठणकावलं, ५० दिवसांचा दिला अल्टिमेटम

वॉशिंग्टन : (Donald Trump On Vladimir Putin) अमेरिकेचे राष्ट्राध्यक्ष डोनाल्ड ट्रम्प यांनी लागू केलेल्या टॅरिफ धोरणाची सध्या जगभरात चर्चा सुरु आहे. या निर्णयामुळे जगातील अनेक देशांना मोठा फटका बसला आहे. काही दिवसांपूर्वीच त्यांनी ब्राझीलवर सर्वाधिक ५० टक्के टॅरिफ लागू करण्याची घोषणा केली होती. दरम्यान, ट्रम्प यांनी ब्रिक्स देशांना देखील अमेरिकेविरोधी भूमिका घेतल्यास मोठ्या आर्थिक भुर्दंडाचा इशारा दिला होता. त्यानंतर आता डोनाल्ड ट्रम्प यांनी थेट रशियाला इशारा दिला आहे.

हे वाचलंत का? - टोरंटोमध्ये जगन्नाथ रथयात्रेवर अंडी फेकल्याचा प्रकार! परराष्ट्र मंत्रालयाने कॅनडा सरकारकडे केली कारवाईची मागणी

रशिया-युक्रेनमध्ये सुरु असलेल्या संघर्षाबाबत पुतिन यांच्यावर नाराजी व्यक्त करत ट्रम्प यांनी रशियाला धमकीवजा इशारा दिला आहे. ते म्हणाले, जर व्लादिमीर पुतिन यांनी पुढील ५० दिवसांत युक्रेनसोबत युद्धबंदी करण्यास सहमती दर्शवली नाही तर रशियाविरुद्ध कठोर टॅरिफ लागू करण्यात येईल, अशी धमकी डोनाल्ड ट्रम्प यांनी दिली आहे.

दरम्यान, डोनाल्ड ट्रम्प यांनी व्हाईट हाऊसमध्ये पत्रकारांशी बोलताना सांगितले की, "युक्रेनबरोबरील युद्धबंदी करण्यास रशियाने सहमती दर्शवली नाही आणि ५० दिवसांत युद्धबंदी करार झाला नाही तर आम्ही रशियावर दुय्यम कर लादणार आहोत आणि मग ते १०० टक्के टॅरिफ असेल", असा इशारा डोनाल्ड ट्रम्प यांनी दिला आहे.

आतापर्यंत कोणत्या देशांवर किती टक्के टॅरिफ?

१. म्यानमार - ४० %

२. लाओ पीपल्स डेमोक्रॅटिक रिपब्लिक - ४० %

३. कम्बोडिया - ३६ %

४. थायलंड - ३६ %

५. बांगलादेश - ३५ %

६. रिपब्लिक ऑफ सर्बिया - ३५ %

७. इंडोनेशिया - ३२ %

८. दक्षिण आफ्रिका - ३० %

९. बोस्त्रिया अँड हर्झगोविना - ३० %

१०. जपान - २५ %

११. दक्षिण कोरिया - २५ %

१२. मलेशिया - २५ %

१३. कझाकिस्तान - २५ %

१४. रिपब्लिक ऑफ ट्युनिशिया - २५ %

१५. अल्जेरिया - ३० %

१६. इराक - ३० %

१७. श्रीलंका - ३० %

१८. लिबिया - ३० %

१९. मोल्डोवा - २५%

२०. ब्रुनेई - २५ %

२१. फिलीपिन्स - २० %

२२. ब्राझील - ५० %