कॅनडाचे पंतप्रधान जस्टिन ट्रूडो राजीनामा देण्याच्या तयारीत!

ओटावा : आपल्या कार्यकाळात असंख्य आव्हानांना तोंड देत कॅनडा सारख्या देशाचा गाडा सांभाळणारे जस्टिन ट्रूडो आता राजीनामा देण्याच्या तयारीत आहेत. अकार्यक्षम नेतृत्व, लोकाभिमुख धोरण राबवताना आलेलं अपयश, आर्थीक आघाडीवर आलेला पराभव अशा असंख्य गोष्टींमुळे ट्रूडो यांची पक्षांतर्गत नाचक्की झाली होती. भारत आणि कॅनडा यांच्यातील राजनैतिक संबंध सुद्धा ट्रुडो यांच्या कार्यकाळात बिघडले आहे. कॅनडामध्ये कट्टरपंथीय खलिस्तान्यांचा जाच दिवसेंदिवस वाढत चालला आहे. या सगळ्या घटनांच्या पार्श्वभूमीवर ट्रूडो यांच्या राजीनाम्याची मागणी, त्यांच्याच आघाडी सरकारच्या घटक पक्षांनी केली. माध्यमांना मिळालेल्या माहितीनुसार जानेवारीच्या दुसऱ्या आठवड्यात राजीनामा देणार आहेत.