शेअर बाजार विश्लेषण: बाजारात 'कोहराम' थेट १००० अंशाने सेन्सेक्स व निफ्टी ३४५ अंशाने घसरला गुंतवणूकदारांचे सहा लाख कोटी पाण्यात

 

 

मोहित सोमण: आज इक्विटी बेंचमार्क निर्देशांकात प्रचंड मोठी घसरण झाली आहे. आज तब्बल एस अँड पी सेन्सेक्स निर्देशांकात १०६२.२२ अंशाने घसरण होत बाजार ७२४०४.१५ पातळीवर तर निफ्टी ५० निर्देशांकात ३४५.०० अंशाने घटत २१९५७.५० पातळीवर पोहोचला आहे. आज अनुक्रमे बीएसईत १.४४ व एनएसईत १.५५ टक्क्यांनी घसरण झाली आहे. गेल्या काही दिवसातील सर्वात मोठी पडझड असून तीन दिवसातील पडझडीचे सत्र कायम राहिले आहे.

 

बीएसई (BSE) मिडकॅप व स्मॉलकॅपमध्ये अनुक्रमे २.०१ व २.४१ टक्क्यांनी घसरण झाली आहे. एनएसई (NSE)तील क्षेत्रीय निर्देशांकात (Sectoral Indices) मध्ये ऑटो (०.७८%) वगळता सगळ्या प्रकारच्या घसरण झाली आहे. यामधील आज 'लाल ' रंग कायम राहिलेला. सर्वाधिक नुकसान तेल गॅस (३.१५%) एफएमसीजी (२.४७%) रियल्टी (२.२३%) मेटल (२.८७%) समभागात झाली आहे.

 

आज बीएसईत एकूण ३९४३ समभागाचे ट्रेडिंग झाले असून यातील ९२४ समभागात वाढ झाली तर २९१० समभागात घसरण झाली आहे. त्यातील १६० समभाग ५२ आठवड्यातील सर्वाधिक पातळीवर पोहोचले असून ४५ समभागात ५२ आठवड्यातील सर्वाधिक मूल्यांकन घसरले आहे. २१७ समभाग आज अप्पर सर्किटवर कायम राहिले आहेत तर ३६६ समभाग आज लोअर सर्किटवर कायम राहिले आहेत.

 

एनएसईत आज २६९४ समभागाचे ट्रेडिंग झाले असताना त्यातील ४८० समभागात वाढ झाली असून २०९८ समभागात घसरण झाली आहे. ७३ समभागाचे मूल्यांकन ५२ आठवड्यातील सर्वाधिक कमी राहिले आहे तर २९ समभागाचे मूल्यांकन ५२ आठवड्यातील सर्वाधिक घसरले आहे. यामध्ये ६८ समभाग आज अप्पर सर्किटवर कायम राहिले आहेत तर १२६ समभाग लोअर सर्किटवर कायम राहिले आहेत.

 

आज बाजारात पडझड झाल्याने दोन्ही बाजारातील गुंतवणूकीत यांचा परिणाम दिसला आहे. बाजारातील घसरणीमुळे आज गुंतवणूकदारांनी ६ लाख कोटी गमावले आहेत. बीएसईतील कंपन्याचे एकूण बाजार भांडवल ३९३.४३ कोटींवर पोहोचले आहे तर एनएसईतील कंपन्याचे एकूण बाजार भांडवल (Market Capitalisation) ३९०. ०७ लाख कोटीवर पोहोचले आहे.

 

डॉलरच्या तुलनेत रुपयाच्या किंमतीत कोणताही मोठा बदल झालेला नाही.अखेरीस रुपया २ पैशाने वधारून प्रति डॉलरच्या तुलनेत ८३.५० रुपयांवर पोहोचला आहे. भारताच्या देशांतर्गत मागणीत घट झाल्याने व आंतरराष्ट्रीय बाजारात डॉलर वधारल्याने आज बाजारात रुपयांची किंमत फार वाढू शकली नाही.

 

आंतरराष्ट्रीय स्तरावरील घटलेल्या मागणीमुळे सोन्याच्या युएस फ्युचर गोल्ड निर्देशांकात घसरण झाली आहे. भारतातील एमसीएक्स (Multi Commodity Exchange) मध्ये सोन्याच्या निर्देशांकात ०.०८ टक्क्यांनी घट झाल्याने सोने एमसीएक्सवर ७१०७१.०० पातळीवर पोहोचले आहे तर चांदीच्या निर्देशांकात ०.६१ टक्क्यांनी वाढ होत चांदी ८३५०३.०० स्तरावर पोहोचली आहे. 'गुड रिटर्न्स' या संकेतस्थळावरील माहितीनुसार १० ग्रॅम सोन्याच्या दरात सरासरी १०० ते ११० रुपयांनी घट झाली.मुंबईतील सोन्याच्या दरात प्रति १० ग्रॅम १०० ते ११० रुपयांनी घट झाली आहे.

 

जागतिक पातळीवरील क्रूड (कच्च्या) तेलाच्या निर्देशांकात वाढ झाली आहे. परवा कच्च्या तेलाचा मुबलक साठा असल्याचे व मध्यपूर्वेतील वातावरण स्थिर झाल्याने तेलाचे दर स्वस्त झाले होते. परंतु आज सकाळी तेल साठा मोठ्या प्रमाणात कमी झाल्याने पुन्हा कच्च्या तेलाचे भाव वधारले आहेत. याशिवाय फेडरल व्याजदर कपात पुढे ढकलल्याने व साठ्यात कपात झाल्याने आता नवे दर लागू झाले आहेत. क्रूड तेलाच्या WTI Future निर्देशांकात १.०१ टक्क्यांनी व Brent क्रूड तेलाच्या निर्देशांकात ०.८६ टक्क्यांनी वाढ झाली आहे. भारतातील एमसीएक्स क्रूड निर्देशांकात १.१७ टक्क्यांनी वाढ होत प्रति बॅरेल किंमत ६६६४.०० पातळीवर पोहोचली आहे.

 

आज बाजारातील एकूण परिस्थिती चिंताजनक नसली तरी आज पाचव्या दिवशी बाजारातील मरगळ कायम राहिली होती. विकण्याच्या दबावाखाली गुंतवणूकदार आल्याने बाजारात नकारात्मक वातावरण कायम होते. मुख्यतः अमेरिकन फेडरल व्याजदर कपात पुढे ढकलली असल्याने बाजारात देशांतर्गत गुंतवणूकदारांनी भारतीय विशेष घटनांवर लक्ष केंद्रित केले होते परंतु समाधानकारक कंपन्याचे तिमाही निकाल न आल्याने, निवडणुकीच्या तोंडावर अनिश्चितता, तसेच परदेशी गुंतवणूकदारांनी सावधतेचा पवित्रा घेत मोठी गुंतवणूक न केल्यामुळे, तसेच देशांतर्गत गुंतवणूकदारांनीही गुंतवणूक न वाढवल्याने अखेरीस बाजारात 'नफा बूकिंग ' फेज कायम राहिली होती.

 

मोठ्या पातळीवर बाजार पडले असले तरी आगामी निवडणुकीनंतर परिस्थिती बदलण्याचे संकेत तज्ज्ञांकडून मिळत आहेत. विशेषतः हेवी लार्जकॅप बरोबरच मिडकॅप व स्मॉलकॅपमध्ये मोठी घसरण झाल्याने बाजार निर्देशांकात मोठी घसरण झाली. दुसरीकडे कुठलाही नवीन सकारात्मक बदल होण्यासाठी आवश्यक असलेली कुठलीही मोठी घडामोड न घडल्याने बाजारात रॅलीसाठी पोषक वातावरण निर्माण झाले नाही.

 

दुसरीकडे रुपया व क्रूडमधील घसरणीमुळे त्यात अधिक तोटा झाला आहे. बाजारातील कंपन्याचे बाजार भांडवल घसरल्याने गुंतवणूकदारांचे मोठे नुकसान झाले आहे. विशेषतः रुपयांत घसरण झाल्याने मोठ्या प्रमाणात परदेशी चलनाच्या साठ्यात तूट झाली आहे. आज बाजारातील VIX Volatility Index ५ ते ६ टक्क्यांनी वाढल्याने समभागात मोठे चढ उतार पहायला मिळाले आहेत.

 

जागतिक पातळीवरील निर्देशांकात मोठी वाढ झालेली असतानाही त्यांचे संकेत भारतीय बाजारात परिणामकारक ठरले नाहीत. थोड्याच वेळापूर्वी बँक ऑफ इंग्लंडने व्याजदर ५.२५ टक्क्यांवर कायम ठेवल्याची घोषणा केल्याने युरोपियन बाजारात मोठा