जपानमध्ये ‘निकाह जिहाद’

लोकसंख्या वाढली तरी जपानमध्ये कब्रस्थानं वाढली नाहीत. जपानमध्ये प्रमुख मोठी अशी सात कब्रस्तानं आहेत. शिवाय छोटीमोठी कब्रस्थानं आहेत. पण, वाढत्या लोकसंख्येला ही कब्रस्थानं पुरत नाहीत. माणूस मेला की त्याचे दफन करायचे, हा इस्लामिक संस्कार. पण, कब्रस्थानाची वानवा असल्याने इथे मुस्लिमांनाही हिंदू, बौद्ध किंवा शिंतो धर्मपरंपरेप्रमाणे मृतदेहाला अग्नीच्या स्वाहा करावे लागते. या विरोधात जपानी मुस्लीम ‘बेप्पू मुस्लीम असोसिएशन’ या मुस्लीम संघटनेच्या नेतृत्वाखाली एकत्र आले. या असोसिएशनचा प्रमुख ताहिर खान. हा मूळचा पाकिस्तानचा. जपानमध्ये शिकायला आला होता. पण, शिकून जपानमध्ये नोकरीला लागला. स्थिरस्थावर झाल्यावर त्याने जपानी लोकांकडून हक्क मागण्यासाठी संघटना सुरू केली. जपानमध्ये प्रत्येक जिल्ह्यात एक तरी कब्रस्थान द्या अशी मागणी ही संघटना करत आहे. पण, जपानी नागरिक ही मागणी मान्य करत नाहीत. भूजल प्रदूषणाचे दाखले देत ते मुस्लिमांना म्हणतात की ”आमच्या देशात राहायचे, तर आमच्या देशाचे रितीरिवाज पाळा. कायदे पाळा.” दुसरीकडे जपानमध्ये केवळ जपानचे मूळ धर्म आणि मूळ संस्कृतीच मुख्य आहे, असे मानणार्‍यांच्या लोकसंख्येमध्ये वाढ होत आहे. जपानमध्ये वाढणार्‍या मुस्लीम लोकसंख्येला आळा घालावा, असे या जपानी नागरीकांचे मत. त्यामुळेे येणार्‍या काळात जपानमध्ये कब्रस्थान वाढतील की जपानी मुलींचे निकाह वाढतील, हे चित्र स्पष्ट आहे.