रामेश्वरम स्फोटाचे दहशतवाद कनेक्शन, साक्षीदारांची ओळख उघड करणे धोक्याचे : एनआयए

 

 

दरम्यान, कर्नाटकचे आरोग्य मंत्री दिनेश राव यांनी एनआयए ने भाजपच्या कार्यकर्त्याला अटक केल्याचे म्हटले होते. त्यानंतर काँग्रेसने भाजपवर टीकेची झोड उठवली होती. याबाबत खुलासा करताना आरोपींच्या बाबत अधिक जाणून घेण्यासाठी त्यांच्याशी निगडीत शाळा, महाविद्यालयातील त्यांच्या परिचितांना बोलवत असल्याचे एनआयए ने स्पष्ट केले आहे.

कर्नाटकची राजधानी बेंगळुरू येथील प्रसिद्ध रामेश्वरम कॅफेमध्ये झालेल्या बॉम्बस्फोटाच्या तपासात नवनवीन खुलासे होत आहेत. राजाजीनगरमध्ये असलेल्या या कॅफेमध्ये दि. १ मार्च रोजी झालेल्या स्फोटाप्रकरणी अनेकांना अटक करण्यात आली असून, मुख्य संशयितालाही अटक करण्यात आली आहे. पण आता या स्फोटाची तार उत्तर प्रदेशशी जोडलेली दिसत आहे, कारण स्फोटानंतर लगेचच एका धार्मिक केंद्राशी संबंधित मौलाना बंगळुरूहून बरेलीला गेला होता, तो आता परदेशात जाण्याच्या तयारीत होता. या संपूर्ण प्रकरणावर लक्ष ठेवून असलेल्या एनआयएने मौलानाला पकडले होते.

मीडिया रिपोर्ट्सनुसार, बुधवारी, दि. २७ मार्च २०२४ सकाळी बरेलीमध्ये एनआयएची टीम स्थानिक पोलिस आणि नायब तहसीलदारांसह मौलानाच्या घरी पोहोचली, पण मौलाना घरी नव्हता. यानंतर मौलानाच्या वडिलांसह ही टीम एका मशिदीत पोहोचली आणि तिथून मौलानाला ताब्यात घेतले. मौलानाची भूमिका संशयास्पद असल्याचे सांगण्यात येत आहे, त्यानंतर ही चौकशी करण्यात आली होती.