'जस्टिन ट्रुडो'च्या उपस्थित खलिस्तान समर्थकांची भारतविरोधी घोषणाबाजी

 

 

पंतप्रधान ट्रुडो यांच्या भाषणादरम्यान मोठ्या संख्येने लोक खलिस्तानी झेंडे घेऊन कार्यक्रमाला पोहोचले आणि खलिस्तान जिंदाबादच्या घोषणा देत राहिले. यावेळी ट्रुडो या घोषणा देणाऱ्यांकडे असहायपणे पाहत राहिले. या घटनेनंतर दोन्ही देशांमधील आधीच तणावपूर्ण संबंध आणखी चिघळण्याची शक्यता आहे. शीख मतपेढीसाठी कॅनडात खलिस्तानी आणि भारतविरोधी घटकांना पाठिंबा देत असल्याचा आरोप जस्टिन ट्रूडो यांच्यावर करण्यात आला आहे. भारताने सातत्याने अशा घटकांवर कारवाई करण्याची मागणी केली आहे, ज्याकडे कॅनडा सरकारने कानाडोळा केला आहे.

 

 हे वाचलंत का? - इंदूरमध्ये सूरत पॅटर्न : काँग्रेस उमेदवाराचा अर्ज मागे

 

कॅनडा सरकारच्या नाकाखाली अनेक खलिस्तानी कॅनडातून भारतविरोधी मोहिमा चालवत आहेत, अगदी जस्टिन ट्रुडो यांच्या सरकारचा भाग असलेले खासदार जगमीत सिंगही भारतविरोधी भूमिका घेत आहेत. या कार्यक्रमात त्यांनी जनतेला संबोधितही केले. उल्लेखनीय आहे की कॅनडाचे पंतप्रधान जस्टिन ट्रूडो यांनी २०२३ मध्ये भारतावर आरोप केला होता की त्यांच्या गुप्तचर एजंट्सनी खलिस्तानी दहशतवादी हरदीप सिंह निज्जरची हत्या केली होती. कॅनडाच्या संसदेत त्यांनी हा आरोप केला होता. मात्र, या आरोपाबाबत त्यांनी कोणताही पुरावा सादर केला नाही. भारताने या आरोपांना जोरदार प्रत्युत्तर दिले होते.