केंद्रीय गृह मंत्रालयाकडून "CAA 2019" अॅप लाँच!

 

दरम्यान, सीएए कायद्यांतर्गत पाकिस्तान, अफगाणिस्तान आणि बांगलादेशमधील गैर-मुस्लिम निर्वासित या अॅपच्या माध्यमातून अर्ज करू शकणार आहेत. सदर 'CAA 2019' अंतर्गत नागरिकत्व मिळविण्यासाठी भारत सरकारच्या गृह मंत्रालयाने एक ॲप जारी केले आहे. या ॲप लॉन्चची घोषणा गृह मंत्रालयाने केली होती, त्यानंतर अखेर 'CAA-2019' ॲप लॉन्च करण्यात आले आहे.

हे वाचलंत का? -  मोठी बातमी! देशात नागरिकत्व सुधारणा - CAA कायदा लागू!

'CAA-2019' अंतर्गत नागरिकत्व मिळविण्यासाठी भारत सरकारच्या गृह मंत्रालयाने एक ॲप जारी केले आहे. सीएए कायद्यांतर्गत भारताच्या नागरिकत्वासाठी अर्ज करण्यासाठी पात्र अर्जदारांची प्रक्रिया सुलभ करण्यासाठी मोबाइल ॲप लाँच केले आहे. याद्वारे, अर्जदार नागरिकत्व (सुधारणा) कायदा, 2019 अंतर्गत भारतीय नागरिकत्वासाठी अर्ज करू शकतात. सदर ॲप तुम्ही Google Play Store किंवा Indiancitizenshiponline.nic.in या वेबसाइटवरून डाउनलोड करू शकता.

 

“नागरिकत्व (सुधारणा) कायदा, 2019 अंतर्गत अर्ज करण्यासाठी ‘CAA-2019’ मोबाइल ॲप कार्यरत झाले आहे,” गृह मंत्रालयाने सांगितले. यापूर्वी, गृह मंत्रालयाने CAA अंतर्गत भारतीय नागरिकत्वासाठी अर्ज करण्यास पात्र लोकांसाठी पोर्टल सुरू केले होते.