एसटी महामंडळ 'एलएनजी'चा वापर करणारी पहिलीच बससेवा!, 'एलएनजी' नेमकं काय?

या उद्घाटनादरम्यान, राज्याचे सार्वजनिक बांधकाम मंत्री रवींद्र चव्हाण, शालेय शिक्षणमंत्री दीपक केसरकर, खासदार राहुल शेवाळे, खासदार हेमंत पाटील, आमदार संजय रायमूलकर, एसटी महामंडळाचे उपाध्यक्ष तथा व्यवस्थापकीय संचालक डॉ. माधव कुसेकर उपस्थित होते.

(एलएनजी)द्रवीकृत नैसर्गिक वायू हा मिथेन या नैसर्गिक वायूपासून बनविला जातो. सदर वायू द्रवीकरण प्रकल्पापर्यंत आणला जातो. व तेथून हा वायू द्रवरूपात बदलला जातो. त्याचबरोबर, या नैसर्गिक वायूचा आकारमान कमी झाल्याने त्याची साठवणूक व वाहतूक खर्च कमी होतो. विशेष म्हणजे एलएनजी वायू पर्यावरणपूरक असून डिझेल, पेट्रोल यांसारख्या इंधनाच्या तुलनेत सदर वायूच्या वापराने पैशांची बचत होण्यास मदत होते.