मोठी बातमी! राज ठाकरे दसऱ्याला साधणार जनतेशी संवाद

 

 

मुंबई : दसऱ्याच्या मुहुर्तावर शनिवारी मनसे अध्यक्ष राज ठाकरे राज्यातील जनतेशी संवाद साधणार असल्याची माहिती पुढे आली आहे. शुक्रवारच्या अनेक वृत्तपत्रांमध्ये पहिल्या पानावर आलेल्या मनसेच्या जाहीरातींवरून राज ठाकरे जनतेशी संवाद साधणार असल्याचे बोलले जात आहे.

 

 

मनसेने दिलेल्या जाहीरातीमध्ये "माझ्या तमाम हिंदू बांधवांनो, भगिनींनो आणि मातांनो, चला, पूर्वीसारखा राजकीय सुसंस्कृत आणि सर्व राज्यांपेक्षा प्रगत महाराष्ट्र उभारूया! मी महाराष्ट्राचा, महाराष्ट्र माझा," असं म्हटलं आहे. दरम्यान, आता दसऱ्याच्या अनुषंगाने राज ठाकरे जनतेशी संवाद साधण्याची शक्यता वर्तवण्यात येत आहे.