“रवी जाधव देवा..”, सुबोध भावेने ताली पाहिल्यावर दिली अशी प्रतिक्रिया

 

 

“श्री गौरी सावंत यांच्या आयुष्यावर आधारीत ‘ताली’ ही अप्रतिम वेब मालिका जिओ सिनेमावर पाहिली. बस बाई बस या कार्यक्रमाच्या निमित्ताने श्री गौरी यांच्याशी संवाद साधण्याचा योग आला होता. क्षितीज पटवर्धन मित्रा त्यांचे संपूर्ण आयुष्य तू ज्या पद्धतीने तुझ्या लेखणीतून उतरवलं आहेस त्याला तोड नाही.खूप खूप कौतुक तुझे.

 

हेमांगी कवी, ऐश्वर्या नारकर, सुव्रत जोशी, नंदू माधव, शितल काळे तुम्ही तुमच्या भूमिका किती सुंदर साकारल्या आहेत. कार्तिक निशाणदार, अर्जुन बरन मित्रांनो अशी निर्मिती करायला धाडस लागतं. अप्रतिम. जिओ सिनेमा मनापासून धन्यवाद ही मालिका सादर केल्याबद्दल. रवी जाधव देवा, तुझ्या प्रत्येक कलाकृतीमध्ये तुझा खास असा ठसा असतो. या कलाकृतींमध्ये तो कायमचा आमच्या मनावर कोरला गेला आहे. 

 

 

 

 

कृतिका देव गणेश- गौरी ही व्यक्तिरेखा उभी रहाण्यात तुझा खूप मोठा वाटा आहे. सुश्मिता सेन तुम्ही त्या झाला होता.बस इतकेच. श्री गौरी सावंत तुम्हाला मनापासून वंदन”, असे सुबोधने या पोस्टमध्ये म्हटले आहे.

 

तृतीयपंथीचा खरा जीवनप्रवास मांडणारा 'ताली'  

 

 

“ ‘ताली’ या वेब मालिकेचे आधीचे नाव ‘अम्मा’ ठेवण्याचा विचार केला होता. त्याव्यतिरिक्त माझ्या मनात ‘गौराई’ असे नाव आले होते, कारण गौरीला कायम आई व्हायचे होते. त्यामुळे गौरी आणि आई दे दोन्ही शब्द एकत्र करुन गौराई हे नाव. पण त्यानंतर सुष्मिता म्हणाली की ही संपुर्ण वेब मालिका ही टाळीवर म्हणजेच तालीवर आधारित आहे. कारण चित्रपटात एक संवाद देखील आहे की ‘मै ताली बजाऊंगी नहीं, बजवाऊंगी’. मग सुष्मिता म्हणाली की, आपण या वेब मालिकेचं नाव ताली ठेवूयात का? आणि मग कोणतंही दुमत त्यावर झालं नाही आणि वेब मालिकेचं नाव ताली निश्चित करण्यात आले”, असा मालिकेच्या नावाचा किस्सा रवी जाधव यांनी सांगितला.