डोंगरीत महाराष्ट्रदिनी ‘विशाल हिंदू संमेलन’ उत्साहात संपन्न

 

मुंबई : (Hindu Conference) महाराष्ट्र दिनाच्या निमित्ताने डोंगरी नगरातील मांडवी वस्तीत दि. १ मे रोजी सकाळी ७ वाजता ‘विशाल हिंदू संमेलन’ उत्साहपूर्ण वातावरणात पार पडले. या संमेलनात १०८ जोडप्यांच्या उपस्थितीत भव्य नवचंडी महायाग संपन्न करण्यात आला. या कार्यक्रमाचे संपूर्ण नियोजन व आयोजन डोंगरी नगर कार्यवाह शुभम फलके यांच्या देखरेखीखाली करण्यात आले. संमेलनात मांडवी परिसरातील सुमारे ४०० नागरिकांनी मोठ्या संख्येने सहभाग घेतला.

 

 

कार्यक्रमाच्या यशस्वी आयोजनासाठी डोंगरी नगरातील ४० स्वयंसेवक तसेच १५ मातृशक्तींनी सक्रिय सहभाग नोंदविला. मांडवी वस्ती समितीतील कार्यकर्त्यांनीही नियोजनात महत्त्वाची भूमिका बजावली. कार्यक्रमाचे संचालन श्री स्वामी समर्थ मठ येथील प्रशांत कांदळकर आणि त्यांच्या सेवेकऱ्यांनी उत्स्फूर्तपणे केले. या संमेलनाला राज्याचे कौशल्य विकास मंत्री मंगलप्रभात लोढा यांनी विशेष उपस्थिती लावून कार्यक्रमाची शोभा वाढवली. धार्मिक आणि सामाजिक एकात्मतेचा संदेश देणारे हे संमेलन परिसरातील नागरिकांसाठी प्रेरणादायी ठरले.