NEET-UG 2026 पेपरफुटीनंतर मोठा निर्णय! आता परीक्षा पूर्णपणे ऑनलाइन; केंद्र सरकारचा धक्कादायक खुलासा

 

मुंबई : (NEET UG Paper Leak) देशातील सर्वात मोठ्या वैद्यकीय प्रवेश परीक्षांपैकी एक असलेल्या NEET-UG 2026 परीक्षेभोवती निर्माण झालेलं वादळ आणखी गडद झालं आहे. केंद्रीय शिक्षण मंत्री धर्मेंद्र प्रधान यांनी अखेर NEET-UG 2026 चा पेपर लीक झाल्याची कबुली दिली असून परीक्षा रद्द करण्याचा मोठा निर्णय जाहीर केला आहे. यासोबतच पुढील शैक्षणिक सत्रापासून NEET-UG परीक्षा ऑनलाइन पद्धतीने घेण्यात येणार असल्याची घोषणाही त्यांनी केली आहे.(NEET UG Paper Leak)

 

देशभरातील लाखो विद्यार्थ्यांच्या भविष्याशी संबंधित या प्रकरणामुळे शिक्षण व्यवस्थेवर गंभीर प्रश्नचिन्ह निर्माण झाले आहे. पेपर लीक, टेलिग्राम ग्रुपवर प्रश्नपत्रिका व्हायरल होणे, कोचिंग माफिया, लाखो रुपयांचे व्यवहार आणि CBI तपास यामुळे हे प्रकरण आता राष्ट्रीय स्तरावरील मोठ्या घोटाळ्यात रूपांतरित झाले आहे.(NEET UG Paper Leak)

 

 

केंद्रीय शिक्षण मंत्री धर्मेंद्र प्रधान यांनी पत्रकार परिषदेत सांगितले की, ३ मे रोजी झालेल्या NEET-UG 2026 परीक्षेचा पेपर लीक झाल्याचे स्पष्ट पुरावे समोर आले आहेत. त्यामुळे परीक्षा रद्द करण्याचा कठीण पण आवश्यक निर्णय घेण्यात आला. त्यांनी सांगितले की, “आम्हाला कोणताही चुकीचा उमेदवार निवडला जाऊ नये, हे सुनिश्चित करायचे होते. त्यामुळे जबाबदारीने परीक्षा रद्द करण्यात आली. आता पुनर्परीक्षा २१ जून रोजी घेतली जाईल.” प्रधान यांनी स्पष्ट केले की, ७ मे रोजी NTA ने सरकारला गडबडीबाबत माहिती दिली होती. त्यानंतर १२ मे रोजी पुनर्परीक्षा घेण्याचा निर्णय अंतिम करण्यात आला.(NEET UG Paper Leak)

 

 

पुनर्परीक्षेसाठी काही महत्त्वाचे बदल करण्यात आले आहेत. विद्यार्थ्यांना अतिरिक्त १५ मिनिटांचा वेळ दिला जाणार आहे. तसेच विद्यार्थ्यांना स्वतःच्या पसंतीचे परीक्षा केंद्र निवडण्याची मुभा देण्यात आली आहे. ३ मे रोजी झालेली परीक्षा देशातील ५५१ शहरांमध्ये आणि परदेशातील १४ शहरांमध्ये आयोजित करण्यात आली होती. यासाठी ५४०० हून अधिक परीक्षा केंद्रांची व्यवस्था करण्यात आली होती.(NEET UG Paper Leak)

 

 

धर्मेंद्र प्रधान यांनी सांगितले की, विद्यार्थ्यांच्या प्रवास आणि व्यवस्थापनासाठी राज्य सरकारशी चर्चा केली जाईल. त्यांनी मान्य केले की, परीक्षा प्रक्रियेवर विद्यार्थ्यांचा विश्वास टिकवणे ही सरकारची मोठी जबाबदारी आहे. त्यांनी हेही स्पष्ट केले की, “राधाकृष्ण समितीच्या शिफारशी लागू करूनही अशी गळती कशी झाली, याची चौकशी सुरू आहे. यावेळी कोणतीही अनियमितता होऊ दिली जाणार नाही.”(NEET UG Paper Leak)

 

 

या संपूर्ण प्रकरणाचा तपास आता CBI कडे देण्यात आला आहे. CBI ने आतापर्यंत सात जणांना अटक केली आहे. राजस्थान, बिहार, हरियाणा आणि महाराष्ट्रातील आरोपींना अटक करून दिल्लीतील राऊज अ‍ॅव्हेन्यू कोर्टात हजर करण्यात आले. अटक करण्यात आलेल्यांमध्ये मांगीलाल बिंवाल, दिनेश बिंवाल, विकास बिंवाल, यश यादव आणि शुभम खैरनार यांचा समावेश आहे. न्यायालयाने सर्व आरोपींना सात दिवसांची CBI कोठडी सुनावली आहे.(NEET UG Paper Leak)

 

 

तपासादरम्यान ‘प्रायव्हेट माफिया’ नावाच्या टेलिग्राम ग्रुपचा धक्कादायक खुलासा झाला आहे. या ग्रुपमध्ये ४०२ सदस्य असल्याचे समोर आले आहे. १ मेच्या रात्री या ग्रुपमध्ये कथित NEET पेपर अपलोड करण्यात आल्याचा दावा करण्यात आला आहे. या PDF मधील अनेक प्रश्न आणि ३ मे रोजीच्या प्रत्यक्ष परीक्षेतील प्रश्न एकसारखे असल्याचे सांगितले जात आहे. काही प्रश्नांमधील आकृती, पर्याय आणि प्रश्न क्रमांकही तंतोतंत जुळत असल्याचे तपासात दिसून आले आहे.(NEET UG Paper Leak)

 

 

CBI च्या तपासात पेपर राजस्थानातील सीकरपर्यंत पोहोचवण्यात आल्याचा संशय व्यक्त करण्यात आला आहे. तपास यंत्रणेनुसार, आरोपी यश यादवच्या माध्यमातून प्रश्नपत्रिका विद्यार्थ्यांपर्यंत पोहोचली. विद्यार्थ्यांकडून २ लाख ते ५ लाख रुपयांपर्यंत रक्कम घेतल्याचेही समोर आले आहे. काही प्रकरणांमध्ये १० ते १२ लाख रुपयांपर्यंत व्यवहार झाल्याचा संशय तपास यंत्रणांनी व्यक्त केला आहे.(NEET UG Paper Leak)

 

 

तपासात समोर आलेल्या माहितीनुसार, आरोपी दिनेश बिंवाल यांनी प्रश्नपत्रिकेची हार्डकॉपी स्कॅन करून PDF फाइल तयार केली होती. त्यानंतर ती टेलिग्राम आणि सोशल मीडियाच्या माध्यमातून विद्यार्थ्यांपर्यंत पोहोचवण्यात आली. तपास अधिकाऱ्यांच्या मते, आरोपींनी शेकडो प्रश्नांचा संच तयार करून तो विद्यार्थ्यांना “गेस पेपर” म्हणून दिला होता. प्रत्यक्ष परीक्षेतील सुमारे १५० प्रश्न त्या संचाशी जुळल्याचे समोर आले आहे.(NEET UG Paper Leak)

 

 

राजस्थानमधील सीकर हे देशातील प्रमुख कोचिंग हब मानले जाते. तपासादरम्यान काही कोचिंग सेंटर संचालक, शिक्षक आणि पीजी मालकांची चौकशी करण्यात आली. ३ मेच्या रात्री पोलिसांकडे पोहोचलेल्या एका गेस पेपरमध्ये मूळ प्रश्नपत्रिकेतील १८० पैकी सुमारे १५० प्रश्न तंतोतंत जुळत असल्याची माहिती समोर आली.(NEET UG Paper Leak)

 

 

CBI च्या मते, आरोपी यश यादवने आपल्या iPhone मधील अनेक महत्त्वाच्या चॅट्स आणि डेटा डिलीट केला होता. मात्र, डिजिटल फॉरेन्सिक तपासाद्वारे WhatsApp आणि Telegram चॅट्सचे पुरावे मिळाल्याचा दावा तपास यंत्रणांनी केला आहे. याशिवाय आरोपींच्या फोनमधून PDF फाइल्स, विद्यार्थ्यांची माहिती आणि आर्थिक व्यवहारांशी संबंधित पुरावेही मिळाल्याचे सांगितले जात आहे.(NEET UG Paper Leak)

 

 

हे पहिल्यांदाच घडलेले प्रकरण नाही. २०२४ मध्येही NEET-UG परीक्षेभोवती पेपर लीकचा मोठा वाद निर्माण झाला होता. बिहार आणि झारखंडमध्ये तपासानंतर अनेकांना अटक करण्यात आली होती. त्या वेळी सुप्रीम कोर्टाने संपूर्ण परीक्षा रद्द करण्यास नकार दिला होता. मात्र काही केंद्रांवर पुनर्परीक्षा घेण्यात आली होती. ७२० पैकी ७२० गुण मिळवणारे अनेक विद्यार्थी आणि एकाच केंद्रातून मोठ्या संख्येने टॉपर्स आल्यामुळे वाद अधिक गडद झाला होता.(NEET UG Paper Leak)

 

 

NEET-UG ही भारतातील MBBS, BDS, आयुष आणि नर्सिंग अभ्यासक्रमांसाठीची राष्ट्रीय प्रवेश परीक्षा आहे. AIIMS, JIPMERसह देशातील सर्व सरकारी आणि खासगी वैद्यकीय महाविद्यालयांमध्ये प्रवेशासाठी ही परीक्षा अनिवार्य आहे. सध्या देशात १ लाखाहून अधिक MBBS आणि २७ हजारांहून अधिक BDS जागा आहेत. त्यामुळे NEET परीक्षा लाखो विद्यार्थ्यांच्या करिअरसाठी अत्यंत निर्णायक मानली जाते.(NEET UG Paper Leak)

 

 

CBI कडून देशभरातील कोचिंग नेटवर्क, प्रिंटिंग प्रेस, सरकारी कर्मचारी आणि डिजिटल रॅकेटची चौकशी सुरू आहे. तपासात आणखी मोठी नावे समोर येण्याची शक्यता व्यक्त केली जात आहे. सरकारने पुढील काळात परीक्षा प्रक्रियेत मोठे बदल करण्याचे संकेत दिले आहेत. ऑनलाइन परीक्षा, डिजिटल सुरक्षा आणि AI आधारित मॉनिटरिंग प्रणाली लागू करण्यावर भर दिला जाणार असल्याचे संकेत मिळत आहेत.(NEET UG Paper Leak)