Pakistan Nobel Peace Prize Demand : एक वेगळीच दुनिया...! युद्ध थांबवलं म्हणून पाकिस्तानी पंतप्रधानांना हवा शांततेचा नोबेल! आणखी दोघांमध्येही चुरस

मुंबई : (Pakistan Nobel Peace Prize Demand) अमेरिका आणि इराण यांच्यात झालेल्या तात्पुरत्या युद्धविरामाचे श्रेय घेण्यासाठी पाकिस्तानकडून सर्वतोपरी प्रयत्न सुरू आहेत. इतकेच नव्हे, तर पंतप्रधान शाहबाज शरीफ आणि लष्करप्रमुख असीम मुनीर यांना नोबेल शांतता पुरस्कार देण्यात यावा, अशी मागणी पाकिस्तानच्या विविध स्तरांतून होत आहे. अशातच या दोघांव्यतिरिक्त आणखी एका व्यक्तीलाही नोबेल शांतता पुरस्कार देण्याची मागणी जोर धरू लागली आहे.(Pakistan Nobel Peace Prize Demand)

पाकिस्तानातील पंजाब विधानसभेत मांडलेल्या प्रस्तावामध्ये परराष्ट्रमंत्री इशाक डार यांनाही ‘ग्लोबल पीसमेकर’ म्हणून पुढे केले गेले आहे. मिळालेल्या माहितीनुसार, पंजाब विधानसभेत सादर केलेल्या प्रस्तावात पंतप्रधान शाहबाज शरीफ, लष्करप्रमुख असीम मुनीर आणि परराष्ट्रमंत्री इशाक डार यांचे नोबेल शांतता पुरस्कारासाठी नामांकन करण्याची शिफारस करण्यात आली आहे. या प्रस्तावानुसार, त्यांच्या प्रयत्नांमुळे प्रादेशिक स्थैर्याला बळकटी मिळाली असून जागतिक शांततेला चालना मिळाली आहे. प्रस्तावात असेही नमूद आहे की, या नेत्यांच्या हस्तक्षेपामुळे एक मोठा संभाव्य संघर्ष टळण्यास मदत झाली.(Pakistan Nobel Peace Prize Demand)