Softlink Global–MatchLog यांची आशियातील कंटेनर लॉजिस्टिक्स रूपांतरासाठी रणनीतिक भागीदारी
Total Views |
मुंबई : ( Softlink Global ) जागतिक स्तरावर ५ हजार १०० हून अधिक कंपन्यांना सेवा देणारी लॉजिस्टिक्स व फ्रेट ऑपरेशन्ससाठीची डिजिटल पाठबळ देणारी कंपनी Softlink Global आणि जगातील सर्वात मोठा कंटेनर पुनर्वापर प्रक्रिया करणाऱ्या MatchLog यांच्यात सामंजस्य करार (MoU) झाला आहे. या भागीदारीमुळे आशियातील कंटेनर लॉजिस्टिक्समध्ये कार्यक्षमता, खर्चनियंत्रण आणि शाश्वततेला नवी दिशा मिळणार आहे.
या करारानुसार Softlink Global चे बुद्धिमान क्लाउड-आधारित ERP प्लॅटफॉर्म Logi-Sys हे मुख्य एंटरप्राइझ प्रणाली म्हणून वापरले जाणार असून, त्यात MatchLog ची कंटेनर ऑप्टिमायझेशन क्षमता थेट समाविष्ट केली जाणार आहे. फ्रेट फॉरवर्डिंग, सीमाशुल्क प्रक्रिया, वेअरहाऊसिंग, नियामक अनुपालन आणि आर्थिक व्यवहारांसाठी ‘सिस्टम ऑफ रेकॉर्ड’ असलेल्या Logi-Sys मध्ये आता कंटेनर मालमत्ता कार्यक्षमता व पुनर्वापर नियोजन प्रत्यक्ष ऑपरेशनल प्रक्रियांचा भाग होणार आहे.
या एकत्रीकरणामुळे Logi-Sys हे अधिक सक्षम आणि एकसंध ऑपरेशनल व्यासपीठ ठरणार आहे. कंटेनर पुनर्वापराशी संबंधित माहिती थेट ERP प्रक्रियांमध्ये उपलब्ध झाल्याने रिकाम्या कंटेनरची अनावश्यक वाहतूक कमी होईल, मालमत्तेचा वापर वाढेल आणि प्रादेशिक तसेच आंतरसीमावर्ती लॉजिस्टिक्स नियोजन अधिक अचूक होईल.
या भागीदारीबाबत बोलताना Softlink Global चे संस्थापक व मुख्य कार्यकारी अधिकारी Amit Maheshwari म्हणाले, “कंटेनर ऑप्टिमायझेशन हे लॉजिस्टिक्स कंपन्यांच्या मुख्य कार्यप्रणालीचा अविभाज्य भाग असायला हवे. MatchLog ची पुनर्वापर बुद्धिमत्ता थेट Logi-Sys मध्ये समाविष्ट करून आम्ही ERP चा आवाका केवळ व्यवहार व्यवस्थापनापलीकडे नेऊन मालमत्ता कार्यक्षमतेपर्यंत विस्तारत आहोत. यामुळे ग्राहकांना खर्चावर अधिक नियंत्रण, शिस्तबद्ध नियोजन आणि सुलभ अंमलबजावणी शक्य होईल.”
हेही वाचा : Mumbai Railway : मुंबई रेल्वे प्रवाशांचे ‘अवेंजर्स’; राजकारणाविना प्रवाशांच्या प्रश्नांवर थेट संवाद
MatchLog चे सह-संस्थापक Manish Singh यांनी सांगितले, “आशिया-पॅसिफिक क्षेत्रातील व्यापार मार्गांमध्ये कंटेनर असमतोल आणि रिकाम्या कंटेनरच्या पुनर्स्थापनाच्या समस्या दीर्घकाळापासून आहेत. या सहकार्यामुळे कंटेनर ऑप्टिमायझेशन प्रत्येक लॉजिस्टिक्स प्रक्रियेचा नैसर्गिक भाग बनेल. Logi-Sys सारख्या एंटरप्राइझ ERP प्रणालीत ही क्षमता समाविष्ट झाल्याने मालमत्तेचा अधिक परिणामकारक वापर, खर्चात घट आणि अधिक शाश्वत व कार्यक्षम पुरवठा साखळी शक्य होईल.”
Softlink Global चे Logi-Sys व्यासपीठ सध्या १०० हून अधिक देशांत वापरात असून, जगभरात १० लाखांहून अधिक वापरकर्त्यांना सेवा देत आहे. हे एकत्रीकरण Softlink च्या विद्यमान एंटरप्राइझ नेटवर्कमध्ये मोठ्या प्रमाणावर राबवता येईल, ज्यामुळे लॉजिस्टिक्स कंपन्यांना प्रमाणित तसेच स्थानिक गरजांनुसार सुसंगत अशा कंटेनर पुनर्वापर पद्धती स्वीकारता येतील.
दरम्यान, MatchLog ला आशियातील प्रमुख व्यापार मार्गांवर वेगाने स्वीकार मिळत असून, Maersk, Hapag-Lloyd आणि Pacific International Lines यांसारख्या आघाडीच्या जागतिक शिपिंग कंपन्यांसोबत ते कार्यरत आहे. या भागीदारीमुळे Softlink Global च्या ERP परिसंस्थेमार्फत MatchLog च्या कंटेनर ऑप्टिमायझेशन क्षमतांचा लाभ अधिक व्यापक एंटरप्राइझ वापरकर्त्यांपर्यंत पोहोचणार आहे.