पाकचा लष्करी प्रवक्ता बरळला! म्हणे, "भारतीयांचा श्वास रोखणार..."

    23-May-2025   
Total Views |
 
Pakistan Army official threatens India in Hafiz Saeed
 
 
इस्लामाबाद : (Pakistan Army official threatens India in Hafiz Saeed's words) पहलगाम दहशतवादी हल्ल्यानंतर भारताने पाकिस्तानला अद्दल घडवण्यासाठी भारतीय सैन्याने राबवलेल्या 'ऑपरेशन सिंदूर'अंतर्गत कारवाई केली. मात्र, अजूनही पाकिस्तान सुधारण्याच्या मनस्थितीत दिसत नाही. आता तेथील पाकिस्तानी लष्करानेही दहशतवाद्यांची भाषा वापरण्यास सुरुवात केली आहे. 'जर तुम्ही आमचे पाणी अडवले तर आम्ही तुमचा श्वास रोखू' अशी पोकळ धमकी पाकिस्तानकडून देण्यात आली आहे.
 
“जर तुम्ही आमचे पाणी थांबवले तर आम्ही तुमचा श्वास रोखू”  
 
पाकिस्तानी लष्कराचे प्रवक्ते लेफ्टनंट जनरल अहमद शरीफ चौधरी हे एका विद्यापीठात भाषण करत होते. तिथे त्यांनी पहलगाम दहशतवादी हल्ल्यानंतर भारताने सिंधू पाणी करार स्थगित केल्याचा उल्लेख केला. तर भाषणादरम्यान अहमद चौधरी यांनी दहशतवादी हाफिज सईदची भाषा वापरल्याचे पाहायला मिळाले. ते म्हणाले, “जर तुम्ही आमचे पाणी थांबवले तर आम्ही तुमचा श्वास रोखू.” अशी पोकळ धमकी भारताला दिली आहे.
 
 
 
पाकिस्तानी लष्करी अधिकाऱ्यांच्या तोंडी  दहशतवाद्यांची भाषा
 
२००८ च्या मुंबई दहशतवादी हल्ल्याचा सूत्रधार आणि भारत आणि अमेरिकेविरुद्ध प्रक्षोभक भाषणांसाठी ओळखल्या जाणाऱ्या लष्कर-ए-तैय्यबाचा संस्थापक दहशतवादी हाफिज सईद यानेही काही दिवसांपूर्वी असेच विधान केल्याचे पाहायला मिळाले होते. “जर तुम्ही पाकिस्तानचे पाणी थांबवले तर आम्ही तुमचा श्वास थांबवून टाकू. खोऱ्यांमध्ये रक्त वाहील”, अशी धमकी देणारा हाफिज सईद याचा व्हिडिओ आहे.
 
 
 
 
 
Pakistan army Ahmed Sharif Chaudhry Hafiz Saeed threat Indus Waters treaty India-Pakistan Tensions
अनिशा डुंबरे

अनिशा डुंबरे

मुंबईतील पाटकर-वर्दे महाविद्यालयातून अर्थशास्त्र विषयातत पदवी. सध्या दै. मुंबई तरुण भारत मध्ये वेब उपसंपादक पदावर कार्यरत. लिखाण, वाचन आणि निवेदनाची विशेष आवड. मराठी साहित्य, इतिहास, राजकारण, आणि मनोरंजन विषयांत रस. महाविद्यालयीन काळात वक्तृत्व, कथाकथन, काव्यवाचन स्पर्धांमध्ये सहभाग आणि पारितोषिके.\