BMC Elections : महापालिका निवडणुकांदरम्यान पैशांच्या गैरव्यवहारावर राहणार नजर; आयकर विभागाचा २४x७ नियंत्रण कक्ष कार्यरत
22-Dec-2025
Total Views |
मुंबई : (BMC Elections) आगामी महानगरपालिका निवडणुकांमध्ये पैशांच्या गैरव्यवहारावर आयकर विभागाची नजर राहणार आहे. पैशांच्या गैरवापराला आळा घालण्यासाठी मुंबई आयकर विभागाने २४x७ कार्यरत राहणारा नियंत्रण कक्ष स्थापन केला आहे. (BMC Elections)
निष्पक्ष वातावरणात निवडणुका घेण्यासाठी आणि निवडणूक प्रक्रिया सुलभ होण्याच्या उद्देशाने या कक्षाची स्थापना करण्यात आली आहे. हा नियंत्रण कक्ष आयकर विभागाच्या निवडणूक निरीक्षण यंत्रणेचा एक भाग म्हणून कार्य करेल आणि आदर्श आचारसंहिता लागू असलेल्या संपूर्ण कालावधीत कार्यरत राहील. (BMC Elections)
हेही वाचा : Devendra Fadnavis : कुठल्याही विजयाने मातणार नाही हाच आपला संकल्प : मुख्यमंत्री देवेंद्र फडणवीस
निवडणूक प्रचारादरम्यान राज्यातील जागरूक नागरिक आणि रहिवाशांना बेहिशेबी रोख रक्कम, मौल्यवान वस्तू किंवा इतर प्रलोभनांच्या वापराबाबत माहिती देऊन सावधान करण्यासाठी हा नियंत्रण कक्ष स्थापन करण्यात आला आहे. दरम्यान, नागरिक व्हॉट्सॲप, मोबाईल संदेश किंवा दूरध्वनीद्वारे ७७३८११३७५८ या क्रमांकावर अथवा [email protected] या ई-मेल पत्त्यावर माहिती पाठवू शकतात. हा नियंत्रण कक्ष, कक्ष क्रमांक ३१६, तिसरा मजला, सिंदिया हाऊस, बॅलार्ड इस्टेट, मुंबई - ४००००१ इथे आहे. (BMC Elections)
अवंती भोयर
विज्ञान शाखेतील पदवीनंतर भारतीय जनसंचार संस्थान (IIMC) अमरावतीतून पत्रकारितेचे पदव्युत्तर शिक्षण. 'दै. मुंबई तरुण भारत'मध्ये वेब उपसंपादक या पदावर कार्यरत. शेती, साहित्य, राजकारण या विषयात विशेष रस. हस्तकला, संगीत आणि कविता लेखनाचा छंद....