शिवसेनेची जवळजवळ काँग्रेस झालीये! भास्कर जाधवांचा पक्षाला घरचा आहेर

 

 

मुंबई : शिवसेनेची जवळजवळ काँग्रेस झाली आहे, असे वक्तव्य उबाठा गटाचे नेते भास्कर जाधव यांनी केले आहे. चिपळूणमधील पदाधिकाऱ्यांच्या बैठकीत ते बोलत होते. दरम्यान, त्यांच्या वक्तव्याची ऑडिओ क्लिप व्हायरल झाली आहे.

 

 

भास्कर जाधव म्हणाले की, "काही पदाधिकारी तर दहा-दहा पंधरा-पंधरा वर्षांपासून एका जागेवर बसलेले आहेत. माझ्या पदाला कुणीही हात लावू शकत नाही. मी कुठल्यातरी नेत्याची मर्जी सांभाळली की, माझे पद शाबूत, अशी त्यांची समजूत झाली आहे. त्यांना पदावरून बाजूला करण्याची आमच्यात हिंमत नाही. शाखाप्रमुख वगैरे या पदांचा कालावधी जर निश्चित केला तर तेवढ्या कालावधीत काम करण्याकरिता ते स्पर्धा करतील. आपल्या पक्षाची आता जवळजवळ काँग्रेसच झाली आहे. हे बोलताना वेदना होतात," असे ते म्हणाले.