'मिड-डे' कडून 'ती' पोस्ट डिलीट; माफी न मागता काढला लेख!

17-Jun-2024

Total Views | 378

मुंबई : इंग्रजी दैनिक मिड-डे कडून ईव्हीएमवर ५ कॉलमच्या माध्यमातून प्रकाशित करण्यात आलेला लेख हटविण्यात आला आहे. दरम्यान, ओटीपीद्वारे ईव्हीएम अनलॉक करण्याच्या मुद्द्यावर ‘मिड-डे’ने पसरवलेल्या भ्रामक माहितीवर दैनिकाकडून स्पष्टीकरण देण्यात आले आहे.

हे वाचलंत का? -

कंचनजंगा एक्सप्रेस अपघात : मृतांना १० लाख तर जखमींना २,५ लाखांची मदत जाहीर!

मिड-डे या दैनिकाने वृत्तपत्राच्या पहिल्या पानाच्या कोपऱ्यात लिहिले आहे की, 'फोनवर मिळालेल्या ओटीपीने ईव्हीएम अनलॉक केले जाऊ शकतात' असा जो अहवाल त्यांनी यापूर्वी प्रसिद्ध केला होता तो चुकीचा होता, असे होऊ शकत नाही. तसेच, नुकत्याच झालेल्या अहवालात त्यांनी निवडणूक अधिकारी वंदना सूर्यवंशी यांच्याशी चर्चा करून एक छोटासा अहवाल दिला आहे.

दरम्यान, मिड-डे ने ऑनलाईन आवृत्तीमधून लेख काढून टाकला असून माफी न मागता प्रकरण शांत करण्याचा प्रयत्न करण्यात आला आहे. निवडणूक अधिकारी वंदना सूर्यवंशी यांनी सांगितले की, ईव्हीएम हे नॉन-प्रोग्रामेबल मशीन असून ते अनलॉक करण्यासाठी कोणत्याही ओटीपीची आवश्यकता नाही.