हिंदूंवर होणाऱ्या हल्लांवर मौन का? नेटकऱ्यांचा पॅलेस्टाईनचे समर्थन करणाऱ्या सेलिब्रिटींना सवाल

 

 

मुंबई : इस्रायल-पॅलेस्टाईन युद्धादरम्यान भारतीय क्रिकेट संघाचा कर्णधार रोहित शर्माची पत्नी रितिका सजदेह यांनी राफाबद्दल चिंता व्यक्त केली आहे. रितीका यांनी इन्स्टाग्रामवर एक स्टोरी पोस्ट करून राफाला पाठिंबा दर्शवला, ज्यानंतर त्यांच्यावर टीका होत आहे. लोक त्यांना विचारत आहेत की त्यांनी कधी त्या काश्मिरी हिंदूंबद्दल चिंता व्यक्त केली आहे ज्यांना त्यांच्याच देशात पळून जाण्यास भाग पाडले गेले, कत्तल केले गेले आणि त्यांच्यावर बलात्कार झाला.

 

भारतात कट्टरपंथीयांकडून होत असलेल्या 'लव्ह जिहाद' आणि इतर गुन्हेगारी घटनांविरोधात कधी आवाज उठवला आहे का? पाकिस्तान-बांगलादेशातील अल्पसंख्याक हिंदूंवरील अत्याचाराविरुद्ध कधी आवाज उठवला आहे का? असा प्रश्नही नेटकऱ्यांनी रितीका सजदेह यांना विचारला आहे.

 

  

केवळ रितिका सजदेहंच नाही तर अभिनेता वरुण धवन आणि अभिनेत्री तृप्ती डिमरी यांनीही ही 'ऑल आइज ऑन रफाह'ची पोस्ट केली आहे. वरुण धवन गेल्या वर्षी 'बवाल' चित्रपटात दिसला होता, तर त्याचा 'भेडिया' चित्रपट २०२२ मध्ये आला होता. तृप्ती डिमरीबद्दल सांगायचे तर, रणबीर कपूर आणि रश्मिका मंदान्ना यांच्या 'ॲनिमल' चित्रपटातील तिच्या भूमिकेसाठी तिला खूप प्रशंसा मिळाली. लोक या सेलिब्रिटींना विचारत आहेत की त्यांनी कधी हिंदूंच्या मिरवणुकांवर होणाऱ्या हल्ल्यांबद्दल चिंता व्यक्त केली आहे का?

 

त्याच वेळी, काही लोकांनी याला पेड ट्रेंड असेही म्हटले आणि म्हटले की या सेलिब्रिटींची पीआर टीम पैसे घेते आणि स्टेटस-स्टोरी-पोस्टमध्ये काय समाविष्ट करायचे ते ठरवते. रफाह येथे नुकत्याच झालेल्या इस्रायलच्या हवाई हल्ल्यात २१ जणांचा मृत्यू झाला आहे.