मशिदीत सापडला मुलीचा अर्धनग्न अवस्थेतील मृतदेह; १० दिवस उलटूनही पोलिसांचे हात खाली

 

लखनौ : उत्तर प्रदेशातील आग्रामध्ये ताजमहालच्या परिसरात एक खळबळजनक घटना घडली आहे. रविवार, दि. १९ मे २०२४ येथील मशिदीच्या आवारात २२ वर्षीय तरुणीची दगडाने ठेचून हत्या करण्यात आली. दुपारी जेव्हा लोक नमाजासाठी आले तेव्हा मुलीचा मृतदेह लोकांना दिसला. बलात्कारानंतर तिची हत्या झाल्याची भीती व्यक्त केली जात आहे. माहिती मिळताच पोलिसांनी घटनास्थळ गाठून घटनास्थळाची पाहणी करून तपास सुरू केला.

 

 

ताजमहालच्या पूर्वेकडील दरवाजाजवळ लाकूड कापलेली अहमद बुखारी मशीद आहे. दुपारी साडेतीनच्या सुमारास नमाजासाठी आलेल्या लोकांनी आवारात मुलीचा अर्धनग्न मृतदेह पाहिल्याचे सांगण्यात येत आहे. जड वस्तूने प्रहार केल्याने मुलीचा चेहरा चिरडला गेला. तिचे कपडे फाटले होते. याच कारणावरून बलात्कारानंतर खून झाल्याची शक्यता व्यक्त केली जात आहे. ही मुलगी मशिदीमध्ये साफसफाईचे काम करत होती. या हत्या प्रकरणात पोलिसांना अद्याप काहीही हाती लागलेले नाहे.

 

युवतीची हत्या होऊन १० दिवस उलटून गेल्यावरही पोलिस हत्या करणाऱ्याचा शोध घेत आहेत. परिसरात लावण्यात आलेल्या सीसीटीव्ही फुटेजवरून पोलिस मारेकऱ्याचा शोध घेत आहेत.. खून कोणी आणि का केला याचा शोध घेण्यासाठी पथके तैनात करण्यात आली आहेत. पण, या घटनेनंतर मशिदीमध्ये महिला सुरक्षेचा मुद्दा पुन्हा एकदा ऐरणीवर आला आहे. समाज माध्यमावर या घटनेच्याविरोधात लोक रोष व्यक्त करत आहेत.