‘धर्मवीर २’ मध्ये लता एकनाथ शिंदेंच्या भूमिकेत दिसणार ‘ही’ अभिनेत्री, बऱ्याच वर्षांनंतर करणार कमबॅक

Total Views | 331
‘धर्मवीर २.. साहेबांच्या हिंदुत्वाची गोष्ट’ हा चित्रपट याच वर्षी म्हणजे २०२४ रोजी प्रदर्शित होणार असल्याचे निर्मात्यांनी सांगितले होते. अद्याप प्रदर्शनाची तारीख जाहिर न झाल्यामुळे प्रेक्षक फार उत्सुकतेने या चित्रपटाची वाट पाहात आहेत.
 

shweta shinde 
 
रसिका शिंदे-पॉल
 
 
मुंबई : आजवर मराठी-हिंदीत अनेक राजकीय, ऐतिहासिक मान्यवरांवर चरित्रपट तयार केले गेले. त्यापैकी काहींना प्रेक्षकांनी उचलून धरले तर काहींना प्रेक्षकांच्या नकारत्मकतेचा सामना करावा लागला. बऱ्याचदा कोणताही चरित्रपट यशस्वी होणे हे जितके दिग्दर्शक किंवा लेखकांवर अवलंबून असते त्याहूनही जास्त ती जबाबदारी ती भूमिका साकारणाऱ्या कलाकारावरही असते. धर्मवीर आनंद दिघे (Dharmaveer 2) यांचा जीवनपट मांडणारा ‘धर्मवीर...मुक्काम पोस्ट ठाणे’ या चित्रपटानंतर ‘धर्मवीर २.. साहेबांच्या हिंदुत्वाची गोष्ट’ (Dharmaveer 2) चित्रपटाची घोषणा करण्यात आली होती. आता या चित्रपटात मुख्यमंत्री एकनाथ शिंदे यांच्या पत्नी लता एकनाथ शिंदे यांची भूमिका कोण साकारणार याबद्दल महत्वपुर्ण माहिती 'महाएमटीबी'ला समजली आहे.
 
मंगेश देसाई निर्मित आणि प्रविण तरडे दिग्दर्शित ‘धर्मवीर २.. साहेबांच्या हिंदुत्वाची गोष्ट’ या चित्रपटात लता एकनाथ शिंदे यांच्या भूमिकेत अभिनेत्री श्वेता शिंदे दिसणार आहे. नुकतीच श्वेता शिंदे (Shweta Shinde) यांनी ‘महाएमटीबी’च्या पॉडकास्टमध्ये हजेरी लावली होती. यावेळी ‘महाएमटीबी’शी बोलताना त्यांनी आगामी ‘धर्मवीर २.. साहेबांच्या हिंदुत्वाची गोष्ट’ चित्रपटातील त्यांच्या या महत्वपुर्ण भूमिकेबद्दल माहिती दिली आहे. श्वेता म्हणाल्या, मी ४ ते ५ वर्षांनंतर पुन्हा एकदा चित्रपटात काम करणार आहे. ‘धर्मवीर २.. साहेबांच्या हिंदुत्वाची गोष्ट’ चे दिग्दर्शक प्रविण तरडे यांनी माझी निवड लता एकनाथ शिंदे यांच्या भूमिकेसाठी केली ही फार मोठी बाब आहे. त्यामुळे नक्कीच इतक्या वर्षांच्या काळानंतर पुन्हा कॅमेऱ्यासमोर येणं हे दडपण होतं. पण नक्कीच ही भूमिका प्रेक्षकांना आवडेल अशी अपेक्षा आहे”. तर, ‘धर्मवीर १’ आणि ‘धर्मवीर २’ मध्ये अभिनेते क्षितीश दाते मुख्यमंत्री एकनाथ शिंदे यांच्या भूमिकेत दिसत आहेत.
 
‘धर्मवीर.. मुक्काम पोस्ट ठाणे’ या चित्रपटात सर्वसामान्यांचे नेते म्हणून ज्यांना सर्वच जण जाणतात त्या आनंद दिघे यांच्या जीवनावर आधारित चित्रपट दिग्दर्शक प्रवीण तरडे आणि निर्माते मंगेश देसाई यांनी भेटीस आणला. यात प्रसाद ओक याने दिघे साहेबांची साकारलेली भूमिका आजन्म प्रेक्षकांच्या स्मरणात राहील यात शंकाच नाही. पहिल्या भागाच्या अभूतपुर्व यशानंतर आता ‘धर्मवीर २.. साहेबांच्या हिंदुत्वाची गोष्ट’ घेऊन पुन्हा एकदा कलाकार सज्ज झाले असून यात नेमकी कोणत्या साहेबांच्या हिंदुत्वाची गोष्ट असणार याबद्दल निर्माते मंगेश देसाई यांनी महाएमटीबीशी बोलताना सुतोवाच केले होते.
 
काय म्हणाले मंगेश देसाई?
 
‘धर्मवीर २.. साहेबांच्या हिंदुत्वाची गोष्ट’ या चित्रपटाचा मुहुर्त काही दिवसांपुर्वी मुख्यमंत्री एकनाथ शिंदे यांच्या हस्ते पार पडला. यावेळी चित्रपटाचे चित्रिकरण ९ डिसेंबरपासून सुरु होणार असल्याचे निर्मात्यांनी सांगितले. यावेळी चित्रपटात कोणाच्या हिंदुत्वाची गोष्ट असणार याबद्दल बोलताना मंगेश देसाई म्हणाले की, “ ‘धर्मवीर २... साहेबांच्या हिंदुत्वाची गोष्ट’ या चित्रपटात साहेब मग ते हिंदुह्रदयसम्राट बाळासाहेब ठाकरे, धर्मवीर आनंद दिघे की मुख्यमंत्री एकनाथ शिंदे यांपैकी कोणत्या साहेबांच्या हिंदुत्वाची गोष्ट चित्रपटात उलगडणार हे पाहण्यासाठी २०२४ चीच वाट पाहावी लागेल”.
 
 
 

रसिका शिंदे - पॉल

रुईया महाविद्यालय आणि मुंबई विद्यापीठातून पत्रकारितेत पदव्युत्तर शिक्षण पूर्ण. चार वर्ष पत्रकारिता क्षेत्रात विविध वृत्तपत्र आणि डिजीटल माध्यमांत कार्यरत. सध्या 'दै. मुंबई तरुण भारत'मध्ये 'मनोरंजन प्रतिनिधी' म्हणून कार्यरत. 
अग्रलेख
जरुर वाचा
स्वरसामर्थ्याचे प्रतीक म्हणजे पद्मजा!: भावगंधर्व पंडित ह्रदयनाथ मंगेशकर -  मान्यवरांच्या उपस्थितीत

स्वरसामर्थ्याचे प्रतीक म्हणजे पद्मजा!: भावगंधर्व पंडित ह्रदयनाथ मंगेशकर -  मान्यवरांच्या उपस्थितीत ' स्वर चंद्रिका - एक सांगितिक प्रवास ' या गौरवग्रंथाचे प्रकाशन

"पद्मजाचा सांगितीक प्रवास सांगणारा ग्रंथ आज इथे प्रकाशित होतो आहे, याचा मला आनंद आहे. शास्त्रीय संगीत, भावसंगीताच्या माध्यमातून तिने आपली साधना निरंतर सुरु ठेवली. खरं सांगायचं तर पद्मजाचं गाणं म्हणजे स्वरसाम्यर्थ्याचं प्रतीक आहे" असे प्रतिपादन पद्मश्री पंडित ह्रदयनाथ मंगेशकर यांनी केले. 'स्वरचंद्रीका : एक सांगितिक प्रवास' या पुस्तक प्रकाशनाच्या कार्यक्रमात ते बोलत होते. यावेळी आपले मनोगत व्यक्त करताना ते म्हणाले की " रुढार्थाने सिनेगीतांच्या वाटेवर न चालता पद्मजाने भावगीतांच्या माध्यमातून स्वताची वेगळी ..

शिवरायांच्या जागतिक दुर्गगौरावचा आम्हाला अभिमान! गिर्यारोहक, इतिहास अभ्यासकांनी व्यक्त केला आनंद.

शिवरायांच्या जागतिक दुर्गगौरावचा आम्हाला अभिमान! गिर्यारोहक, इतिहास अभ्यासकांनी व्यक्त केला आनंद.

छत्रपती शिवाजी महाराजांच्या जीवनकाळाचा ऐतिहासीक ठसा उमटलेल्या महाराष्ट्रातील ११ आणि तामिळनाडू येथील १ अशा १२ किल्ल्यांचा युनेस्कोच्या जागतिक वारसा स्थळांच्या यादीमध्ये समावेश झाला. जागतिक वारसा स्थळ समितीचे ४७ वे अधिवेशन दि. ६ जुलै रोजी पॅरीस येथे सुरु झाले असून ते १६ जुलै पर्यंत चालणार आहे. या अधिवेशनातंर्गत विविध देशातीरल एकूण ३२ ठिकाणांचे मूल्यांकण व तपासणी केली जाणार आहेत. या मूल्यांकणाची प्रक्रिया शुक्रवारी सुरु झाली असून, २०२४-२५ या कालावधीसाठी भारताकडून मराठा साम्रज्याच्या साम्यर्थ्याचे प्रतिक असणाऱ्..

‘स्वयंपुनर्विकास’ ही ठाणेकरांचीही गरज ‘माझी सोसायटी‘ भावनेतून पालकत्व स्वीकारा भाजपा गटनेते प्रविण दरेकर यांची ठाणे जिल्हा बँकेला विनंती

‘स्वयंपुनर्विकास’ ही ठाणेकरांचीही गरज ‘माझी सोसायटी‘ भावनेतून पालकत्व स्वीकारा भाजपा गटनेते प्रविण दरेकर यांची ठाणे जिल्हा बँकेला विनंती

स्वयंपुनर्विकास ही ठाणेकरांचीही गरज आहे. लोकप्रतिनिधीनी एकत्र येऊन नागरिकांना ताकद कशी देता येईल त्याचबरोबर ठाणे जिल्हा बँकेने जास्तीत जास्त शिथिलता आणून जास्तीचे कर्ज उपलब्ध करावे. केवळ धोरण आणून चालणार नाही तर सोसायटीला ‘माझी सोसायटी’ या भावनेतून समजून घेत त्यांचे पालकत्व ठाणे जिल्हा बँकेने स्वीकारावे, अशी विनंती भाजपा गटनेते व मुंबई बँकेचे अध्यक्ष आमदार प्रविण दरेकर यांनी केली. ते शनिवारी आंतरराष्ट्रीय सहकार वर्षानिमित्त ठाणे जिल्हा हौसिंग फेडरेशनच्या वतीने स्वयंपुनर्विकासासंबंधी आयोजित करण्यात आलेल्या ..

Email

admin@mahamtb.com

Phone

+91 22 2416 3121