रामाने सीतेला विक्रीसाठी खुल्या बाजारात ठेवले होते, सोनम वांगचूक यांचे वादग्रस्त विधान

20-Mar-2024

Total Views | 117

नवी दिल्ली : ‘रामाने सीतेला खुल्या बाजारात विक्रीसाठी ठेवले’, असे वादग्रस्त विधान लडाख येथील सामाजिक कार्यकर्ते सोनम वांगचुक यांनी केले आहे. दरम्यान, सोनम वांगचूक यांनी आपल्या हवामानाच्या निषेधाचे समर्थन करण्यासाठी हिंदू देवांवर अपमानास्पद टिप्पणी केल्याचे दिसून येत आहे. सोनम वांगचूक हे हवामान बदलाबरोबरच लडाखला स्वतंत्र राज्याचा दर्जा बहाल करण्याची मागणी करण्यासाठी आमरण उपोषणाची घोषणा केली आहे.

दरम्यान, सोनम वांगचूक हे आपल्या आंदोलनाच्या माध्यमातून सरकारने लोकशाही प्रतिनिधित्व देण्यासोबतच सहाव्या शेड्यूल अंतर्गत लडाखच्या अस्मितेचे रक्षण करण्याचे आश्वासन द्यावे, अशी मागणी करत अनेक स्थानिक लोकांना सहभागी केले आहे. दि. १८ मार्च रोजी एका मुलाखतीदरम्यान देवी सीतेबद्दल अत्यंत आक्षेपार्ह टिप्पणी केल्याने नवा वाद निर्माण होण्याची चिन्हे आहेत.

हे वाचलंत का? - लोकपालांचा महुआ मोईत्रांना दणका!, 'आरोप खूप गंभीर आहेत....सीबीआयला निर्देश

वांगचुक म्हणाले, “मोदी सरकार असे राम निघाले आहे की, ज्याने सीतेला रावणापासून वाचवले पण नंतर तिला खुल्या बाजारात विकले.” एका वृत्तवाहिनीशी बोलताना वांगचुक यांनी भाजपवर हल्ला चढविला असून लडाखला राज्याचा दर्जा देण्याचे निवडणूक आश्वासन पूर्ण न करण्याचा आरोप त्यांनी केला आहे. यावेळी बोलताना सोनम वांगचुक यांनी प्रभु रामचंद्र व देवी सीता यांच्याबद्दल आक्षेपार्ह टिप्पणी केली आहे.

गेल्या १३ दिवसांपासून ‘आमरण उपोषण’ करत असलेल्या सोनम वांगचुक यांनी सांगितले की, “राज्याला केंद्रशासित प्रदेशाचा दर्जा दिल्यानंतर येथील लोकांना मी इतके आभारी कधीच पाहिले नव्हते. तसेच, असे करताना केंद्र सरकारने आम्हाला एका समस्येतून वाचवले पण दुसऱ्या अडचणीत आणल्याचेही वांगचुक यावेळी म्हणाले.