लोकपालांचा महुआ मोईत्रांना दणका!, 'आरोप खूप गंभीर आहेत....सीबीआयला निर्देश

नवी दिल्ली :   'क्वॅश फॉर क्वेरी' प्रकरणात खासदारकी गमवावी लागलेल्या महुआ मोईत्रा यांच्यावर कठोर कारवाई होण्याची शक्यता आहे. भारतीय लोकपालने तृणमूल काँग्रेसच्या माजी खासदार महुआ मोईत्रा यांच्याविरोधात सीबीआय तपासाचे आदेश दिले आहेत. दरम्यान, महुआ मोईत्रा यांच्यावर दर्शन हिरानंदानी यांच्या व्यावसायिक हितासाठी संसदेत प्रश्न विचारल्याचा आरोप आहे. तसेच, हे सर्व व्यावसायिक गौतम अदानी यांना नुकसान पोहोचविण्यासाठी करण्यात आले आहे. तसेच, लोकपाल म्हणाले, दर महिन्याला काय प्रगती केली, यासंदर्भात तपास अहवाल द्या. असे निर्देश सीबीआयला देण्यात आले आहेत.

भाजप खासदार निशिकांत दुबे यांनी महुआ मोईत्रा यांनी अदानी समूह आणि पंतप्रधान मोदींना लक्ष्य करण्यासाठी उद्योगपती दर्शन हिरानंदानी यांच्या सांगण्यावरून भेटवस्तूंच्या बदल्यात लोकसभेत प्रश्न विचारल्याचा आरोप केला होता. या आरोपानंतर लोकसभेच्या आचार समितीने महुआंची खासदारकी रद्द केली होती.