महापालिका रुग्णालयातील कंत्राटी प्रयोगशाळा तंत्रज्ञ थेट सेवेत?

दरम्यान, बाबा कदम, डॉ. संजय बापेरकर यांच्यासमवेत सर्व रुग्णालयाच्या तंत्रज्ञांनी, म्युनिसिपल कर्मचारी कामगार सेना युनियनच्या माटुंगा येथील कार्यालयात नुकतेच एका बैठकीचे आयोजन केले होते. या बैठकीत कंत्राटी कर्मचाऱ्यांच्या विविध विषयांवर चर्चा झाली. सुरुवातीला डॉ. संजय बापेरकर यांनी वरील कंत्राटी कर्मचाऱ्यांना कायम करावे, यासाठी मुंबई पालिका उपायुक्त, अतिरिक्त आयुक्त, आयुक्त यांना पत्रव्यवहार करुन, हिंदुस्थान मजदूर संघ युनियनच्या माध्यमातून राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांना पत्रव्यवहार केला आहे. तथापि, अद्याप याबाबत कोणतेही योग्य उत्तर संबंधितांकडून देण्यात आलेले नाही, असे यावेळी सांगण्यात आले.