ब्रेकींग न्यूज! भाजप-महायुती करणार राज्यपालांकडे सत्तास्थापनेचा दावा
Total Views |
_202412041327081965_H@@IGHT_400_W@@IDTH_696.jpg "Mahayuti")
मुंबई : नुकतीच भाजप नेते देवेंद्र फडणवीस यांची भाजपच्या विधिमंडळ गटनेतेपदी निवड करण्यात आली आहे. दरम्यान, लवकरच भाजप-महायुती राज्यपाल सी. पी. राधाकृष्णन यांच्याकडे सत्तास्थापनेचा दावा करणार असून गुरूवार, ५ डिसेंबर रोजी नव्या सरकारचा शपथविधी पार पडेल.
बुधवारी दुपारी २ वाजता वर्षा निवासस्थानी महायुतीच्या प्रमुख नेत्यांची बैठक होणार आहे. त्यात देवेंद्र फडणवीस यांचे अभिनंदन केले जाईल. तसेच कोणकोणते नेते मंत्रिपदाची शपथ घेतील, याबाबत चर्चा करून निश्चिती केली जाणार आहे. त्यानंतर दुपारी ३.३० वाजता देवेंद्र फडणवीस, एकनाथ शिंदे आणि अजित पवार राज्यपालांना भेटून सरकार स्थापनेचा दावा करतील.
हे वाचलंत का? - महाराष्ट्राच्या जनतेला साष्टांग दंडवत! गटनेतेपदी निवड झाल्यानंतर देवेंद्र फडणवीसांची प्रतिक्रिया
दरम्यान, शपथविधी सोहळ्यासाठी जय्यत तयारी सुरु असून गुरुवारी सायंकाळी ५ वाजता मुंबईतील आझाद मैदानावर मुख्यमंत्री, उपमुख्यमंत्री आणि मंत्रिमंडळाचा शपथविधी होणार आहे. पंतप्रधान नरेंद्र मोदी यांच्यासह इतर मोठ्या नेत्यांच्या उपस्थितीत हा सोहळा पार पडणार आहे.