मनी लाँड्रिंगला बसणार चाप; आरबीआयने उचलले मोठे पाऊल

मुंबई :      रिझर्व्ह बँक ऑफ इंडिया(आरबीआय)ने केवायसी मानकांमध्ये बदल केले आहेत. नव्या बदलांमुळे ‘प्रिव्हेन्शन ऑफ मनी लाँडरिंग (रेकॉर्ड मेंटेनन्स) नियम’ मध्ये अलीकडील सुधारणांशी जुळवून घेताना सुलभ होणार आहे. ‘प्रिव्हेन्शन ऑफ मनी लाँडरिंग (रेकॉर्ड मेंटेनन्स) नियमा’त बदल करून आरबीआयने केवायसी मार्गदर्शक तत्त्वांमध्ये सुधारणा केल्या आहेत.

 

 

हे वाचलंत का? - 

  सोने-चांदी दर आणखी स्वस्त; खरेदीची उत्तम संधी, नवीनतम किमती जाणून घ्या

 

यासोबतच रिझर्व्ह बँकेने सध्याच्या काही सूचनांमध्येही सुधारणा केल्या आहेत. आरबीआयने २०१६ च्या मास्टर डायरेक्शन -केवायसी मार्गदर्शक तत्त्वांमध्ये सुधारणा केली असून या अंतर्गत आता सर्व नियमन केलेल्या संस्थांना (REs) ग्राहक ओळख पडताळणी प्रक्रिया म्हणजेच ग्राहक ड्यू डिलिजेन्स(सीडीडी), युनिक कस्टमर आयडेंटिफिकेशन कोड (युसीआयसी) स्तरावर राबवावी लागणार आहे.

विनियमित संस्था(आरई)च्या विद्यमान केवायसी-अनुपालक ग्राहकाने त्याच घटकासह नवीन खाते उघडायचे असेल किंवा इतर कोणतेही उत्पादन किंवा सेवा घ्यायची असेल तर, नवीन सीडीडी (ग्राहक ओळख प्रक्रिया)करणार नाही. आरबीआयने सीडीडी प्रक्रियेबाबत आणि केंद्रीय केवायसी रेकॉर्ड रजिस्ट्री (सीकेवायसीआर) सह केवायसी माहिती सामायिक करण्याबाबत सुधारणा केल्या आहेत. आरबीआयने मोठे पाऊल उचलत मनी लाँड्रिंगला सामोरे जाण्यासाठी केवायसी मध्ये बदल केले आहेत.