गुंतवणुकीवर मिळणारी कर्जे आणि लाभ

कोणाला काहीही कारणासाठी पैशाची गरज निर्माण होऊ शकते व हा पैसा उभारण्यासाठी जर कर्ज घेण्याशिवाय दुसरा कुठलाही पर्याय नसेल, तर अधिक दराचे वैयक्तिक कर्ज घेण्यापेक्षा जर कुठे गुंतवणूक केलेली असेल, तर त्या गुंतवणुकीवर कर्ज घेणे चांगले. गेल्या काही काळात शेअरमध्ये गुंतवणूक करण्याचे प्रमाण वाढले आहे. विशेषतः तरुण पिढीचा याकडे अधिक ओढा असल्याचा दिसून येतो. पैशाची गरज पडल्यास हे शेअर तारण ठेवून कर्ज घेता येते. शेअर विकावे लागत नाही. पोस्टातील ठेवींत गुंतवणूक, बँकांच्या ठेवींत गुंतवणूक, बँकांच्या ठेवींत गुंतवणूक, जीवन विमा पॉलिसी सरकारी व अन्य कर्जरोखे या गुंतवणुकींवरही कर्ज मिळू शकते. आर्थिक गरजेच्या वेळी शेअर बाजारभावाने विकता येतात. पण, काही कालावधीची गरज भागविण्यासाठी आपल्याकडे असलेल्या चांगल्या कंपन्यांचे शेअर विकले, तर पुन्हा ते घेणे जमलेले असे नाही म्हणून शेअर न विकता तारण ठेवून त्यावर कर्ज घेणे फायदेशीर ठरू शकते.

 

 

हे कर्ज अगदी सहजगत्या मिळू शकते व अन्य कर्जांच्या तुलनेत व्याजदर कमी असतो. कर्जास जामीन द्यावा लागत नाही. याशिवाय कर्ज रक्कम आपल्याला हव्या त्या कारणासाठी वापरता येते. ताळेबंद किंवा अन्य आर्थिक माहिती द्यावी लागत नाही. ओव्हरड्राफ्ट पद्धतीने कर्ज घेतल्यास शेअरची बाजारातील किंमत वाढल्यास कर्जमर्यादा वाढवून मिळू शकते. शेअर न विकता कर्ज घेतल्याने शेअरवर मिळणारा लाभांश/बोनस/राईट अबाधित राहतात. तसेच, शेअरचे भाव वाढल्यास भांडवली नफाही होत असता असे कर्ज इकिक्वटी म्युच्युअल फंडाच्या युनिट्सच्या तारणावर मिळू शकते.शेअर असणार्‍यांना त्यांच्या आर्थिक अडचणीच्या वेळी त्यावर सहजगत्या कर्ज मिळू शकते. शेअर तारण कर्ज आता बहुतेक सर्व बँका ऑनलाईन देतात. त्यामुळे प्रत्यक्ष बँकेत न जाता घरबसल्याही कर्ज मिळू शकते. शेअर विकण्यापेक्षा कर्ज घेणेचांगले, असे या क्षेत्रातील जाणकारांचे मत आहे. बँकेत मान्य असतील अशा कंपन्यांच्या शेअर्सवरच कर्ज मिळते. शेअर बाजारात ‘ए ग्रुप’मध्ये समाविष्ट असलेल्या बहुतेक कंपन्यांच्या शेअरवर कर्ज मिळते. प्रत्येक बँकेचा या कर्जावरील व्याजदर वेगवेगळे आहेत. त्यामुळे कमी व्याज आकारण्याच्या बँकेकडून कर्ज घ्यावे.