भाजप प्रदेशाध्यक्ष बावनकुळेंची शिवसेना डोंबिवली मध्यवर्ती शाखेला सदिच्छा भेट

दरम्यान, यावेळी महाराष्ट्र राज्याचे सार्वजनिक बांधकाम मंत्री रवींद्र चव्हाण, आमदार गणपत गायकवाड, भाजप ज्येष्ठ नेते व आमदार संजय केळकर, भाजप जिल्हा अध्यक्ष नरेंद्र सूर्यवंशी, कल्याण लोकसभा संयोजक शशिकांत कांबळे, ज्येष्ठ नगरसेवक राहुल दामले, मंदार हळबे, संदीप पुराणिक तसेच अनेक मान्यवर नगरसेवक, पदाधिकारी व भाजप कार्यकर्ते उपस्थित होते. शिवसेना शहर शाखेत भेट दिलेल्या सर्व मान्यवरांचे स्वागत शहर प्रमुख राजेश मोरे यांच्या शुभहस्ते करण्यात आले. तसेच बावनकुळे यांच्या हस्ते शहर शाखेतील छत्रपती शिवाजी महाराजांच्या अर्धाकृती पुतळ्यास पुष्पहार अर्पण करण्यात आला. यावेळी छत्रपती शिवाजी महाराज की जय ! या घोषणांनी शहर शाखा दुमदुमवून सोडली.

या प्रसंगी शिवसेनेचे उप-जिल्हाप्रमुख राजेश कदम, उपशहर प्रमुख राजेश मुणगेकर, कार्यालय प्रमुख प्रकाश शांताराम माने, शाखाप्रमुख वैभव राणे, ज्येष्ठ शिवसैनिक सुनिल मालणकर, झोपडपट्टी महासंघ प्रमुख हरिश्चंद्र कांबळे, महाराष्ट्र जनरल मजदूर संघटनेचे नामदेव भानुसे, पिराजी काकडे यांच्यासह अनेक शिवसेना पदाधिकारी व शिवसैनिक मोठ्या संख्येने उपस्थित होते.