भाजपातर्फे पोलिस आणि मविआ सरकार विरोधातील मोर्चा ऐनवेळी स्थगित
पोलिसाकडून एक हजार भाजप कार्यकत्र्याना नोटीस पाठवून अडचणी आणण्याचा प्रयत्न
Total Views |
डोंबिवली : कडोंमपा निवडणूकीच्या पाश्र्वभूमीवर भाजपा नगरसेवकांना टार्गेट केला जात असल्याचा महाविकास आघाडीवर गंभीर आरोप करीत भाजपाकडून शनिवारी अतिरिक्त पोलिस आयुक्त कार्यालयावर मोर्चा काढण्यात येणार होता. मात्र मोर्चाच्या पाश्र्वभूमीवर कार्यकर्ते आणि पदाधिका:यांना पोलिसांकडून नोटीसा बजाविण्यात आल्या असून अडचणीत आणण्याचा प्रयत्न केला जात आहे. आमचा कार्यकर्ता अडचणीत येऊ नये यासाठी तूर्तास हा मोर्चा स्थगित करण्यात आल्याची भाजपाचे प्रदेश सरचिटणीस आणि आमदार रविंद्र चव्हाण यांनी दिली आहे.
भाजप आणि भाजपाला समर्थन देणा:या नगरसेवकांवर दबाव टाकण्यासाठी खोटे गुन्हे दाखल केले जात आहेत. कल्याण डोंबिवली महापालिकेचे माजी भाजप नगरसेवक सचिन खेमा यांच्या विरोधात खंडणी आणि प्राणघातक हल्ला प्रकरणी त्यांना पोलिसांनी अटक केली आहे. यापूर्वी भाजपचे माजी नगरसेवक मनोज राय यांना एका हल्ला प्रकरणात अटक करण्यात आली होती. काही दिवसापूर्वी भाजपाला समर्थन माजी नगरसेवक कुणाल पाटील यांच्या विरोधात ही मानपाडा पोलिस ठाण्यात गुन्हा दाखल झाला आहे. भाजप नगरसेवकांच्या विरोधात दबाव तंत्र आणण्यासाठी महाविकास आघाडी सरकार पोलिसांचा वापर करून खोटेनाटे गुन्हे दाखल करण्याचा आरोप भाजपकडून करण्यात आला. भाजपाचे माजी आमदार नरेंद्र पवार यांनी यांच्या निषेधार्थ 29 जानेवारीला भाजपाकडून विशाल मोर्चा पोलिस कार्यालयावर काढण्याची घोषणा केली होती. या मोर्चासाठी भाजपकडून संपूर्ण तयारी करण्यात आली होती. या मोर्चात जास्तीत जास्त कार्यकर्ते सहभागी व्हावे यासाठी बैठका घेतल्या. मात्र शुक्रवारी भाजप प्रदेश सरचिटणीस, माजी मंत्री आणि आमदार रविंद्र चव्हाण यांनी पत्रकार परिषद घेत हा मोर्चा तात्पुरता स्थगित करण्याचा निर्णय घेतला. यावेळी भाजपचे माजी आमदार नरेंद्र पवार, कल्याण जिल्हाध्यक्ष शशिकांत कांबळे, डोंबिवली ग्रामीण मंडळ अध्यक्ष नंदू परब, भाजयुमो कल्याण अध्यक्ष मिहीर देसाई, पूनम पाटील हे देखील उपस्थित होते.
रविंद्र चव्हाण यांचे म्हणणे आहे की, भाजपाच्या एक हजार कार्यकत्र्याना पोलिसांनी नोटीस पाठविली आहे. आंदोलन केले गेले तर भाजप कार्यकर्ते अडचणीत येतील. आमचे कार्यकर्ते अडचणीत येऊ नये यासाठी पोलिस आणि सरकार विरोधात काढण्यात येणारा मोर्चा तात्पुरता स्थगित केला आहे. मोर्चासाठी पुन्हा परवानगी मागणार आहोत. परवानगी मिळाली की हा मोर्चा काढला जाणार आहे.