तो आवाज संजय राठोडचाच - चित्रा वाघ
23-Feb-2021
Total Views |
मुंबई - पूजा चव्हाण आत्महत्येप्रकरणी संशयाच्या भोवऱ्यात असलेले राज्याचे वनमंत्री संजय राठोड यांच्यावर भाजपच्या नेत्या चित्रा वाघ हल्लाबोल केला आहे. पूजाच्या आत्महत्येनंतर व्हायरल झालेल्या आॅडियो क्लिप मधील आवाड संजय राठोड यांच्याच असल्याचा दावा वाघ यांनी केला आहे.
काही वेळापूर्वीच बंजारा समाजाची काशी म्हणून ओळखल्या जाणाऱ्या पोहरागडावर संजय राठोड पोहोचले आहेत. पंधरा दिवस गायब असलेले संजय राठोड आज सर्मथकांसमोर आले. पोहरागडावर पोहोचलेल्या राठोडांच्या समर्थनार्थ त्यांच्या समर्थक शक्तीप्रदर्शन करत आहेत. यावेळी भाजप नेत्या चित्रा वाघ यांनी संजय राठोडांवर आरोप केले आहेत. त्या म्हणाल्या की, "आरोपीला कोणतीही जात आणि धर्म नसतो. पूजा चव्हाणच्या आत्महत्येनंतर व्हायरल झालेल्या आॅडिया क्लिपमधील आवाज हा संजय राठोड यांचाच आहे. अशावेळी पुणे पोलीस त्यांची चौकशी का करत नाहीत ? शिवाय पूजासोबत राहणाऱ्या दोन तरुणांना अजूनही पोलीसांनी ताब्यात घेतलेले नाही. त्यांची केवळ जुजबी चौकशी करण्यात आली आहे."
अक्षय मांडवकर
'दै. मुंबई तरुण भारत'मध्ये 'विशेष प्रतिनिधी' (पर्यावरण/ वन्यजीव) म्हणून कार्यरत. मुंबई विद्यापीठातून पत्रकारितेचे पदव्युत्तर शिक्षण. गेल्या तीन वर्षांपासून पत्रकारिता क्षेत्रात कार्यरत. पर्यावरण आणि वन्यजीव क्षेत्राची आवड असल्याने त्यासंबंधीच्या वृत्तांकनामध्ये विशेष रस. महाराष्ट्रातील महत्वाच्या वन्यजीव संवर्धन आणि संशोधन कार्यात सहभाग. भारतीय शास्त्रीय नृत्यशैलीतील 'कथ्थक' नृत्यात विशेष प्राविण्य. देशातील महत्वाच्या शास्त्रीय नृत्य महोत्सव आणि नृत्यविषयक टेलिव्हिजन मालिकांमध्ये सादरीकरण.
