स्वीकृत नगरसेवक म्हणजे काय? त्यांची निवड कशी होते?

स्वीकृत नगरसेवक म्हणजे काय?

थेट जनतेतून निवड न होता, महापालिकेत नामनिर्देशनाद्वारे नेमले जाणारे नगरसेवक म्हणजेच स्वीकृत नगरसेवक.

स्वीकृत नगरसेवकांची नियुक्तीची कशी होते?

महाराष्ट्र महानगरपालिका अधिनियम, १९४९ च्या कलम ५ नुसार, महापालिकेच्या आयुक्तांच्या शिफारशीने आणि पालिकेच्या सभागृहाच्या संमतीने स्वीकृत नगरसेवकांची नियुक्ती होते.

एकूण किती स्वीकृत नगरसेवक असतात?

महाराष्ट्र नगरपरिषद आणि महानगरपालिका कायद्यानुसार, महापालिकेच्या एकूण सदस्य संख्येच्या १० टक्के स्वीकृत नगरसेवक नेमले जाऊ शकतात.

ही तरतूद का करण्यात आली?

महापालिकेच्या कामकाजात तज्ज्ञ, समाजसेवक आणि अभ्यासू व्यक्ती यांचा सहभाग वाढावा, यासाठी ही तरतूद करण्यात आली असून, हे सदस्य कला, विज्ञान, पर्यावरण आदी क्षेत्रांतील तज्ज्ञ असतात.

त्यांचे अधिकार कोणते?

स्वीकृत नगरसेवकांना सभागृहातील चर्चेत सहभाग घेण्याचा आणि सूचना मांडण्याचा अधिकार असतो, मात्र प्रत्यक्ष मतदानाचा अधिकार नसतो.

अंतिम नियुक्ती कोणाकडून?

या नगरसेवकांची अंतिम नियुक्ती ही संबंधित शहराच्या महापौर किंवा नगरपालिका प्रमुख यांच्या शिफारशीनुसार, राज्य सरकार किंवा प्रशासकीय अधिकार्‍यांकडून करण्यात येते.