राम मंदिराचे पावित्र्य आणि प्रतिष्ठा चोरांमुळे कमी होणार नाही; देणगी अपहारप्रकरणावर अभिनेते अनुपम खेर यांची प्रतिक्रिया

अनुपम खेर यांनी बुधवारी अयोध्येतील रामलल्ला आणि हनुमानगढी येथे जाऊन दर्शन घेतले. या दर्शनानंतर त्यांनी पत्रकारांशी संवाद साधला. राम मंदिरातील देणगी चोरीचा प्रकार अत्यंत चुकीचा असून या प्रकरणातील दोषींवर कठोर कारवाई झालीच पाहिजे, अशी मागणी त्यांनी केली. मात्र, काही व्यक्तींच्या चुकीच्या कृत्यांमुळे कोट्यवधी भाविकांची श्रद्धा किंवा मंदिराचे पावित्र्य कमी होऊ शकत नाही, असेही त्यांनी ठामपणे सांगितले. (Anupam Kher Ram Temple Donation Theft)

 

चोरीचा संबंध धर्म किंवा समुदायाशी न जोडण्याबाबत आवाहन करत अनुपम खेर म्हणाले की, चोरी किंवा एखाद्या व्यक्तीने केलेला गुन्हा संपूर्ण धर्म, समाज किंवा मंदिराशी जोडून पाहणे योग्य नाही. अशा घटनांकडे संबंधित व्यक्तीचे वैयक्तिक कृत्य म्हणूनच पाहिले पाहिजे. भगवान श्रीराम आणि सनातन परंपरेचे अस्तित्व प्राचीन काळापासून आहे. त्यामुळे एखाद्या एका घटनेमुळे लोकांची श्रद्धा डळमळीत होता कामा नये. भाविकांनी पूर्ण श्रद्धा आणि विश्वासाने मंदिरात देणगी दिली आहे. ही देणगी कोणत्याही मोबदल्यासाठी किंवा देवाने तिचे रक्षण करावे या अपेक्षेने दिलेली नसते; ती केवळ ईश्वराप्रती असलेल्या भावनेतून अर्पण केलेली असते. (Anupam Kher Ram Temple Donation Theft)

 

अनुपम खेर यांनी पुढे नमूद केले की, ज्या राम मंदिराच्या उभारणीसाठी ५०० वर्षांचा प्रदीर्घ संघर्ष करावा लागला आणि असंख्य लोकांच्या भावना ज्याच्याशी जोडलेल्या आहेत, त्याचा सन्मान काही व्यक्तींच्या वाईट कृत्यांमुळे कमी होणार नाही. (Anupam Kher Ram Temple Donation Theft)