केंद्रीय राज्यमंत्री रामदास आठवले यांनी लडाख मधील महाबोधी कॅम्पसला दिली भेट

लेह : (Dr Babasaheb Ambedkar Memorial Ladakh) लेह मधील महाबोधी इंटरनॅशनल मेडिटेशन तर्फे उभारण्यात आलेल्या बुद्धपार्क शेजारी महामानव डॉ बाबासाहेब आंबेडकर यांचा पुतळा उभारण्यात आलेला आहे.त्या परिसरात महामानव डॉ बाबासाहेब आंबेडकर स्मारक उद्यान आणि संग्रहालय उभारण्यासाठी आपण निधी मिळवून देऊ.महाराष्ट्राचे मुख्यमंत्री देवेंद्र फडणवीस यांच्या हस्ते लेह मधील डॉ बाबासाहेब आंबेडकर यांच्या पुतळ्याचे उद्घाटन झाले असून त्यावेळी त्यांनी दिलेले आश्वासन पूर्ण करण्यासाठी आपण निश्चित प्रयत्न करून महाराष्ट्र राज्य सरकार तर्फे या स्मारकाला 10 कोटींचा निधी मिळवून देऊ असे आश्वासन रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना रामदास आठवले यांनी दिले.लेह मधील महामानव डॉ बाबासाहेब आंबेडकर यांच्या पुतळ्याला ना. रामदास आठवले यांनी अभिवादन केले.त्यावेळी लडाख मधील स्थानिक विद्यार्थ्यांनी महामानव डॉ बाबासाहेब आंबेडकर यांचा जयजयकार करण्यासाठी जयभीम च्या घोषणा दिल्या. महामानव डॉ बाबासाहेब आंबेडकर यांच्या गौरवाचे गीत गायीले.

 

रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना. रामदास आठवले यांनी काल महाबोधी देवाचन कॅम्पसला भेट दिली. यावेळी महाबोधी इंटरनॅशनल मेडिटेशन सेंटर (MIMC) चे संस्थापक अध्यक्ष आणि आध्यात्मिक संचालक परमपूज्य भिक्खू संघसेन यांनी त्यांचे पारंपरिक पद्धतीने आणि मनःपूर्वक स्वागत केले. ना.रामदास आठवले यांच्या आगमनावेळी MIMC चे कर्मचारी, सदस्य, भिक्खू, भिक्षुणी आणि विद्यार्थी मोठ्या संख्येने उपस्थित राहून त्यांचे उत्साहपूर्ण स्वागत केले. त्यांच्या सन्मानार्थ संबोधी रिट्रीट सेंटर येथे हाय टीचे आयोजन करण्यात आले.(Dr Babasaheb Ambedkar Memorial Ladakh)

 

या भेटीदरम्यान ना. रामदास आठवले यांच्या सोबत भारतीय बौद्ध महासभेचे अध्यक्ष श्री चंद्रबोधी पाटील तसेच भारतीय बौद्ध महासभा, लडाख शाखेचे अध्यक्ष आणि सदस्य उपस्थित होते. परमपूज्य भिक्खू संघसेन यांच्यासमवेत MIMC चे उपाध्यक्ष श्री त्सेरिंग सम्पेल, MIMC चे वरिष्ठ सदस्य श्री रिगझेन स्पालबार आणि श्री रिगझेन वानला यांनीही ना. रामदास आठवले यांचे स्वागत केले.(Dr Babasaheb Ambedkar Memorial Ladakh)

 

ना. रामदास आठवले यांचे स्वागत करताना परमपूज्य भिक्खू संघसेन यांनी त्यांच्या भेटीबद्दल मनःपूर्वक कृतज्ञता व्यक्त केली आणि MIMC मार्फत लडाख तसेच हिमालयीन प्रदेशातील जनतेच्या कल्याणासाठी राबविण्यात येत असलेल्या विविध मानवतावादी, शैक्षणिक, आरोग्यविषयक आणि आध्यात्मिक उपक्रमांची माहिती दिली. त्यांनी विशेषतः ज्येष्ठ नागरिकांना सन्मानाने आणि काळजीपूर्वक सेवा देणाऱ्या मैत्री जेरियाट्रिक होम*साठी तसेच MIMC बुद्ध पार्क फॉर वर्ल्ड पीस परिसरात प्रस्तावित *आंबेडकर स्मारक उद्यान उभारण्यासाठी मंत्रालयाच्या सहकार्याची विनंती केली. हे उद्यान भारतरत्न बाबासाहेब डॉ. बी. आर. आंबेडकर यांच्या विचारसरणी आणि कार्याला अभिवादन म्हणून उभारण्याची संकल्पना आहे.(Dr Babasaheb Ambedkar Memorial Ladakh)

 

उपस्थितांना संबोधित करताना ना. रामदास आठवले यांनी परमपूज्य भिक्खू संघसेन यांच्याशी असलेल्या आपल्या दीर्घकालीन मैत्रीच्या आठवणींना उजाळा दिला आणि भगवान बुद्धांच्या शिकवणीप्रती तसेच MIMC च्या मानवतावादी ध्येयाप्रती आपली दृढ बांधिलकी पुन्हा व्यक्त केली. आपल्या वैशिष्ट्यपूर्ण काव्यात्मक शैलीत ते म्हणाले: “जसे सेना (सैनिक) आपल्या सीमा आणि मातृभूमीचे रक्षण करते, तसेच संघसेन लडाखमध्ये बौद्ध धर्म आणि मानवतेचे रक्षण करतात.”(Dr Babasaheb Ambedkar Memorial Ladakh)

 

ना. रामदास आठवले यांनी बुद्ध धम्माचा प्रसार, मानवसेवा आणि शांतता व सौहार्द वृद्धिंगत करण्यासाठी परमपूज्य भिक्खू संघसेन यांनी केलेल्या अथक कार्याचे मनापासून कौतुक केले. तसेच सामाजिक न्याय आणि अधिकारिता मंत्रालयाकडून तसेच इतर संबंधित मंत्रालयांच्या माध्यमातून MIMC च्या मानवतावादी उपक्रमांच्या सातत्यपूर्ण विकासासाठी सर्वतोपरी सहकार्य आणि मदतीचे आश्वासन दिले. यानंतर ना. रामदास आठवले यांनी MIMC बुद्ध पार्क फॉर वर्ल्ड पीसला भेट दिली. तेथे त्यांनी भारताच्या राज्यघटनेचे प्रमुख शिल्पकार बाबासाहेब डॉ. बी. आर. आंबेडकर यांच्या पुतळ्यास पुष्पांजली अर्पण केली आणि शांतता, करुणा, सामाजिक न्याय आणि वैश्विक बंधुत्वाचा संदेश देणाऱ्या या उद्यानाच्या संकल्पनेचे कौतुक केले.(Dr Babasaheb Ambedkar Memorial Ladakh)

 

शेवटी आभार प्रदर्शन आणि सद्भावनांची देवाणघेवाण करून कार्यक्रमाची सांगता झाली. यावेळी MIMC आणि भारत सरकार यांनी करुणा, सामाजिक न्याय आणि मानवकल्याणाच्या आदर्शांप्रती असलेली आपली सामायिक बांधिलकी पुन्हा अधोरेखित केली.(Dr Babasaheb Ambedkar Memorial Ladakh)