"त्याला त्याच्या कर्माची शिक्षा मिळाली!" आरोपी मुलाचा मृतदेह स्वीकारण्यास आईचा नकार

 

मुंबई (Bengal Rape Murder Accused) : पश्चिम बंगालमधील बरुईपूर येथे अल्पवयीन मुलीवरील बलात्कार आणि हत्या प्रकरणातील मुख्य आरोपी प्रभास मंडल पोलिसांच्या चकमकीत ठार झाल्यानंतर त्याच्या आईने मुलाचा मृतदेह स्वीकारण्यास नकार दिला आहे. माझ्या मुलाने चांगले काहीच केले नाही. त्याने जे कृत्य केले, त्याची शिक्षा त्याला मिळाली. पोलिसांनी त्याच्या मृतदेहाबाबत जे योग्य वाटेल ते करावे, असे स्पष्ट मत प्रभास मंडलच्या आईने व्यक्त केले आहे.

 

बरुईपूरचे पोलीस अधीक्षक यांनी दिलेल्या माहितीनुसार, गुन्ह्याच्या घटनास्थळाची पुनर्रचना सुरू असताना प्रभास मंडलने एका पोलिसाचे सर्व्हिस पिस्तूल हिसकावून पोलिसांवर गोळीबार केला. त्यानंतर आत्मसंरक्षणासाठी पोलिसांनी केलेल्या प्रत्युत्तरात्मक गोळीबारात तो गंभीर जखमी झाला. त्याला तातडीने रुग्णालयात दाखल करण्यात आले; मात्र उपचारापूर्वीच डॉक्टरांनी त्याला मृत घोषित केले. (Bengal Rape Murder Accused)