Asiatic Society Elections : संस्थेतील परिवर्तनासाठी एशियाटिक टुमॉरोला मान्यवरांचा पाठिंबा

एशियाटिक सोसायटीला तिच्या विद्यमान दूरवस्थेतून बाहेर काढण्याची आणि तिला नवसंजीवनी मिळवून देण्याची क्षमता केवळ एशियाटिक टूमॉरो मध्येच असल्याने एशियाटिक सोसायटीच्या मतदारांनी या पॅनेलच्या समर्थनार्थ मतदान करावे असे आवाहन या सर्व मंडळींनी केले आहे. या आवाहनावर स्वाक्षरी करणाऱ्यांमध्ये संस्कृत आणि प्राच्यविद्येच्या तज्ज्ञ -अभ्यासक डॉ सिंधू डांगे, माजी केंद्रीयमंत्री आणि अर्थतज्ञ सुरेश प्रभू, मूर्तीशास्त्रातील तज्ज्ञ गो बा देगलूरकर आणि ज्येष्ठ इतिहासकार पांडुरंग बलकवडे, प्रसिद्ध लेखक अमिष त्रिपाठी, ज्येष्ठ दलित साहित्यिक शरणकुमार लिंबाळे, भांडारकर प्राच्य विद्या संस्थेचे विश्वस्त आणि माजी खासदार प्रदीप रावत, चित्रकार सुहास बहुळकर, अभिनेते मनोज जोशी गोशी इत्यादींचा यामध्ये समावेश आहे.

निवडणुकीच्या संदर्भात आपली प्रतिक्रीया देताना ज्येष्ठ लेखक शरणकुमार लिंबाळे म्हणाले की " १८०४ पासून सुरु असलेल्या एशियाटिक सोसायटी ऑफ मुंबईमध्ये ज्ञानाचं भांडार लोकांसाठी उपलब्ध आहे. मात्र या विपुल ज्ञानसाठ्याची माहिती लोकांपर्यंत पोहोचलेली नाही. येणाऱ्या काळात, ज्या माणसांनी परिवर्तनाचा विचार मांडला आहे, त्यांनी हे सर्व साहित्य लोकांपर्यंत पोहोचवायला हवं. त्यासाठी प्रयत्न केले पाहिजे. हा प्रयत्न न करणारी लब्धप्रतिष्ठीत, हस्तीदंती मनोऱ्यामध्ये राहणाऱ्या माणसांमुळे आज संस्था लोकांपासून दूर गेली आहे. एशियाटिकच्या समृद्ध वारश्याचा अनुभव सर्वांपर्यंत जायला हवा"