देवेंद्र फडणवीस राष्ट्र प्रथमच्या भूमिकेत महाराष्ट्रद्रोह संजय राऊतांनी केला – नवनाथ बन

 

मुंबई :  (Navanath Ban) भाजपा प्रदेश मुख्य प्रवक्ते नवनाथ बन यांनी संजय राऊत यांच्या टीकेला जोरदार प्रत्युत्तर देताना मुख्यमंत्री देवेंद्र फडणवीस यांच्यावर करण्यात आलेले देशद्रोह व घटनाद्रोहाचे आरोप फेटाळून लावताना मंगळवार दि.३० रोजी म्हटले की," देवेंद्र फडणवीस हे संविधानानुसार आणि “राष्ट्र प्रथम” या भूमिकेतून काम करणारे नेते असून त्यांनी कधीही आपल्या विचारांशी तडजोड केली नाही. काँग्रेससोबत युती करून हिंदुत्वाच्या विचारांशी तडजोड करणारे संजय राऊतच महाराष्ट्रद्रोही आहेत. पाकिस्तान आणि औरंगजेबाबाबत मवाळ भूमिका घेणाऱ्यांनी देवेंद्र फडणवीसांना देशभक्ती शिकवू नये."

 

"महाविकास आघाडी सरकारच्या काळात भाजपच्या १०५ आमदारांना विकासकामांसाठी एक रुपयाचाही निधी देण्यात आला नाही. उद्धव ठाकरे यांच्या नेतृत्वाखाली राज्याचा विकास ठप्प झाला होता. पक्षपाताचा आरोप करणाऱ्या संजय राऊतांनी आधी स्वतःच्या कारभाराचे आत्मपरीक्षण करावे.' असे बन म्हणाले. (Navanath Ban)