NMIMS Coursera Partnership : हॉरीझॉन उपक्रमातून विद्यार्थी गिरवणार कृत्रिम बुद्धिमत्तेचे धडे

पारंपरिक ऑनलाईन कोर्सेसच्या उलट, हा उपक्रम विद्यार्थ्यांच्या नियमित अभ्यासाचा एक अनिवार्य भाग असेल. प्राध्यापकांच्या मार्गदर्शनाखाली चालणारा आणि मूल्यांकनाशी जोडलेला हा उपक्रम विद्यार्थ्यांना जागतिक स्तरावर मान्यताप्राप्त प्रमाणपत्रे मिळवून देईल. विशेष म्हणजे, विद्यापीठाने या उपक्रमासाठी पूर्ण निधी उपलब्ध करून दिला असल्याने विद्यार्थ्यांना यासाठी कोणताही अतिरिक्त आर्थिक भार सोसावा लागणार नाही.याविषयी माहिती देताना विद्यापीठाच्या डीन डॉ. चंद्रिमा सिकदर म्हणाल्या की, आज विद्यापीठांची भूमिका केवळ ज्ञान देण्यापुरती मर्यादित नसून, विद्यार्थ्यांना तंत्रज्ञान आणि डेटाच्या युगासाठी तयार करणे ही आहे. ‘NMIMS हॉरिझॉन’ हे या दिशेने उचललेले एक महत्त्वपूर्ण पाऊल आहे. विद्यापीठाचे प्रोव्होस्ट डॉ. शरद म्हाइस्कर यांनी सांगितले की, भविष्यातील कार्यबळ हे नवीन तंत्रज्ञानाशी जुळवून घेण्याच्या क्षमतेवर ठरेल. या उपक्रमामुळे आमचे पदवीधर तंत्रज्ञान-चालित जगात नेतृत्व करण्यासाठी पूर्णपणे सज्ज होतील. भारतीय उच्च शिक्षण क्षेत्रातील हा अशा प्रकारचा सर्वात मोठा उपक्रम ठरण्याची शक्यता आहे.