Shantanu Sinha Biswas ED Case : डीसीपी शांतनु सिन्हा बिस्वास विरोधात ईडीची लुकआऊट नोटीस; ‘सोना पप्पू’ सिंडिकेटने उघड केला मोठा घोटाळा?

याआधी, गेल्या महिन्यात ईडीने शांतनु सिन्हा बिस्वास यांच्या निवासस्थानासह अनेक ठिकाणी छापे टाकले होते. त्यानंतर या प्रकरणात तपास अधिक तीव्र करण्यात आला असून, आता लुकआऊट नोटीस जारी केल्याने प्रकरणाला नवे वळण मिळाले आहे.(Shantanu Sinha Biswas ED Case)

माध्यमांच्या वृत्तानुसार, शांतनू सिन्हा हे ममता बॅनर्जी यांच्या जवळचे मानले जातात. ते पूर्वी भवानीपूर मतदारसंघातील कालीघाट पोलीस ठाण्याचे प्रभारी होते आणि काही राजकीय कार्यक्रमांमध्येही त्यांची उपस्थिती दिसून आली होती. मतदानाच्या अंतिम टप्प्याच्या एक दिवस आधी ईडीने त्यांना चौकशीसाठी पुन्हा समन्स बजावले होते.(Shantanu Sinha Biswas ED Case)

‘सोना पप्पू सिंडिकेट’ प्रकरण काय?

या प्रकरणातील मुख्य आरोपी ‘सोना पप्पू’ हा दक्षिण कोलकात्यातील बालीगंज परिसरातील रिअल इस्टेट डेव्हलपर असून त्याच्यावर अनेक गंभीर गुन्हे दाखल आहेत. हत्येचा प्रयत्न, खंडणी, शस्त्र कायदा उल्लंघन यांसह १५ हून अधिक प्रकरणांमध्ये त्याचे नाव समोर आले आहे.(Shantanu Sinha Biswas ED Case)

फ्लॅट देण्याच्या आमिषाने लोकांकडून कोट्यवधी रुपये उकळूनही ना घर देणे, ना पैसे परत करणे अशा गंभीर आरोपांमुळे ईडीने Prevention of Money Laundering Act (PMLA) अंतर्गत गुन्हा दाखल केला आहे. एप्रिल २०२६ मध्ये आनंदपूर, अलीपूरसह अनेक ठिकाणी छापे टाकण्यात आले होते.

याशिवाय, फेब्रुवारी महिन्यात गोलपार्क परिसरात झालेल्या बॉम्बफेकीच्या घटनेतही ‘सोना पप्पू’चे नाव समोर आले. १०० हून अधिक लोकांच्या गटाने प्रतिस्पर्धी गटावर हल्ला केल्याचा आरोप आहे. २०१७ मध्ये पलाश जाना यांच्या हत्येप्रकरणीही त्याला अटक झाली होती, मात्र नंतर जामिनावर सुटका झाली.(Shantanu Sinha Biswas ED Case)

आता पुढे काय?

ईडीच्या या कारवाईनंतर पश्चिम बंगालमधील राजकीय आणि प्रशासकीय वर्तुळात मोठी खळबळ उडाली आहे. या प्रकरणात आणखी कोणाची नावे समोर येणार आणि तपास कोणत्या दिशेने जाणार, याकडे सर्वांचे लक्ष लागले आहे.(Shantanu Sinha Biswas ED Case)