छत्रपती संभाजी महाराज यांच्या पूर्णाकृती शिल्पाचे ; मुख्यमंत्री देवेंद्र फडणवीस यांच्या हस्ते अनावरण

17-May-2026

Total Views |

पुणे : (Pune Municipal Corporation's Sambhaji Maharaj Garden) पुणे महानगरपालिकेच्यावतीने छत्रपती श्री संभाजी महाराज उद्यान येथे उभारण्यात आलेल्या बुधभूषण ग्रंथ रचनाकार छत्रपती श्री संभाजी महाराज यांच्या पूर्णाकृती शिल्पाचे मुख्यमंत्री देवेंद्र फडणवीस यांच्या हस्ते रविवार दि.१७ रोजी अनावरण करण्यात आले.

यावेळी उपमुख्यमंत्री सुनेत्रा अजित पवार, उच्च व तंत्रशिक्षण मंत्री चंद्रकांतदादा पाटील, केंद्रीय सहकार राज्यमंत्री मुरलीधर मोहोळ, आमदार डॉ. नीलम गोऱ्हे सिद्धार्थ शिरोळे, हेमंत रासने, महापौर मंजुषा नागपुरे, उप महापौर परशुराम वाडेकर, सभागृह नेता गणेश बिडकर, स्थायी समितीचे अध्यक्ष श्रीनाथ भिमाले, महानगर पालिका आयुक्त नवल किशोर राम,अतिरिक्त आयुक्त ओमप्रकाश दिवटे, नगरसेवक, नगरसेविका यांच्यासह विविध क्षेत्रातील मान्यवर उपस्थित होते.

बुधभूषण ग्रंथ रचनाकार छत्रपती श्री संभाजी महाराज यांच्या पूर्णाकृती शिल्पाविषयी..

छत्रपती संभाजी महाराज यांचे 'बुधभूषण' ग्रंथ रचतानाचे विश्वातील पहिले १० फुट उंचीचे पूर्णाकृती कांस्य शिल्प महाराष्ट्रात प्रथमच पुणे महानगरपालिकेच्यावतीने शिवाजीनगर येथील छत्रपती संभाजी महाराज उद्यान येथे उभारण्यात आले आहे. या प्रकल्पास एकूण ५ कोटी इतका खर्च झालेला आहे.(Pune Municipal Corporation's Sambhaji Maharaj Garden)

हेही वाचा : सार्वजनिक-खाजगी भागीदारीतून उभारलेले कर्करोग रुग्णालयआरोग्य क्षेत्रासाठी मैलाचा दगड ठरणार-मुख्यमंत्री देवेंद्र फडणवीस

छत्रपती संभाजी महाराज यांचे "बुधभूषण" ग्रंथातील श्लोक निवडण्याकरिता इतिहास तज्ज्ञ, संस्कृत मराठी भाषा तज्ज्ञ, अभ्यासक यांची इतिहास तज्ज्ञ समिती गठीत करण्यात आलेली होती. या समितीमार्फत छत्रपती संभाजी महाराज यांनी लिहिलेल्या संस्कृत 'बुधभूषण' ग्रंथामधून आवश्यक श्लोक निवडण्यात आलेले आहेत.

'बुधभूषण' संस्कृत ग्रंथ रचनाकार छत्रपती संभाजी महाराज पूर्णाकृती पुतळा व महाराजांनी रचलेल्या ९ निवडक श्लोक मराठी व इंग्रजी अर्थासह तसेच बुधभूषण ग्रंथाची संक्षिप्त माहिती देणाऱ्या प्रस्तावनेसह कोरण्यात आलेले आहेत. याकरिता भव्य १० दगडी भिंती उभारण्यात आलेल्या आहेत. शिल्पाच्या भोवती रंगीत कारंजे, तसेच संपूर्ण परिसरात विविध शोभीवंत फुलझाडे लावण्यासह विद्युत रोषणाई करण्यात आलेली आहे.(Pune Municipal Corporation's Sambhaji Maharaj Garden)

छत्रपती संभाजी महाराज शिल्प अनावरण देवेंद्र फडणवीस पुणे कार्यक्रम बुधभूषण ग्रंथ शिल्प पुणे महानगरपालिका संभाजी महाराज उद्यान Unveiling of the Chhatrapati Sambhaji Maharaj Sculpture — Devendra Fadnavis's Pune Event — 'Budhabhushan' Text Sculpture — Pune Municipal Corporation's Sambhaji Maharaj Garden