US-Iran Tensions : इराणविरुद्धच्या कारवाईत अमेरिकेकडून भारतीय बंदरांचा वापर? परराष्ट्र मंत्रालयाने दावा फेटाळत दिलं स्पष्टीकरण

या मुलाखतीत "आपले सर्व लष्करी तळ उद्ध्वस्त झाले आहेत. आपले हार्बर इन्स्टॉलेशन उद्ध्वस्त झाले आहेत. आपल्याला खरंतर भारत आणि भारतीय बंदरांचा आधार घ्यावा लागत आहे, जे फार काही चांगले नाही. हेच नौदलाकडून सांगण्यात येत आहे," असे डग्लस म्हणत असल्याचे ऐकायला येत आहे. परराष्ट्र मंत्रालयाच्या फॅक्ट चेक अकाउंटने ओएएन वर करण्यात आलेला हा दावा 'खोटा आणि चूक' असल्याचे म्हटले आहे.अमेरिकन नौदल भारतीय बंदरांचा वापर करत असल्याच्या वृत्तांमध्ये कोणतंही तथ्य नसल्याचं सरकारनं सांगितलं आहे. नागरिकांनी अशा खोट्या आणि दिशाभूल करणाऱ्या बातम्यांपासून सावध राहावं, असं आवाहनही करण्यात आलं आहे.(US-Iran Tensions)