US-Iran War : व्हेनेझुएलानंतर इराणच्या तेलावर अमेरिकेचा डोळा! खार्ग बेटावर ताबा मिळवण्याचे संकेत; नेमकं काय म्हणाले ट्रम्प ?

 

'फायनान्शिअल टाइम्स'शी बोलताना ट्रम्प यांनी इराण युद्धाची पुढची संभाव्य रणनीती काय असू शकेल, यावर भाष्य केले. ते म्हणाले, "खरं सांगायचे तर इराणच्या तेलावर नियंत्रण मिळवणे, हे माझे सर्वात आवडते काम आहे. या बेटावर इराणची सुरक्षा व्यवस्था कमकुवत आहे. आम्ही अगदी सहजरित्या ते ताब्यात घेऊ शकतो."(US-Iran War)

इराणविरोधात अमेरिका आणि इस्रायल आक्रमक पवित्रा घेत असून अमेरिका मध्यपूर्वेत हजारो सैनिक तैनात करण्याच्या तयारीत आहे. ट्रम्प याबाबत म्हणाले, "खार्ग बेटावरील इराणचे प्रमुख तेल निर्यात केंद्र अमेरिका ताब्यात घेऊ शकते. पण अमेरिकेतील काही मूर्ख लोक याला विरोध करत असून यावर ते प्रश्न उपस्थित करत आहेत. पेंटागॉन अनेक लष्करी पर्यायांचा विचार करत आहे. आम्ही कदाचित खार्ग बेट ताब्यात घेऊही किंवा कदाचित घेणारही नाही. आमच्याकडे बरेच पर्याय आहेत. तसेच आम्ही त्याठिकाणी अधिक काळ राहू."(US-Iran War)