India's ATF Supply : विमान इंधनाचा ६० दिवसांचा साठा सुरक्षित! केंद्रीय हवाई वाहतूक मंत्र्यांची राज्यसभेत माहिती

मुंबई : (India's ATF Supply) देशात विमानांसाठी लागणाऱ्या इंधनाचा पुरेसा साठा उपलब्ध असून पुढील ६० दिवस कोणत्याही अडथळ्याविना पुरवठा सुरू राहील, अशी माहिती केंद्रीय नागरी विमान वाहतूक मंत्री के. राममोहन नायडू यांनी राज्यसभेत दिली.

मंत्री के. राममोहन नायडू म्हणाले की, पंतप्रधान नरेंद्र मोदी यांच्या दूरदृष्टीमुळे गेल्या १२ वर्षांत देशातील विमान वाहतूक क्षेत्रात अभूतपूर्व प्रगती झाली आहे. विमानतळांची संख्या, विमानांची संख्या आणि प्रवासी यामध्ये गेल्या दशकात दुपटीने वाढ झाली आहे. या वाढीमुळे विमान वाहतूक क्षेत्रात कुशल मनुष्यबळाची मोठी गरज निर्माण झाली आहे. यासाठी सरकारकडून कौशल्य विकास अभ्यासक्रमांना प्रोत्साहन दिले जात असून, येणाऱ्या काळात या क्षेत्रात अधिक रोजगार संधी निर्माण होण्याची शक्यता आहे.