कुवेतमध्ये अडकला मुलगा; अभिनेत्री विशाखा सुभेदार यांचं मदतीसाठी पंतप्रधान, मुख्यमंत्र्यांना आवाहन

मुंबई : (Vishakha Subhedar son stranded in Kuwait) मराठी अभिनेत्री विशाखा सुभेदार यांनी व्हिडिओद्वारे देशाचे पंतप्रधान नरेंद्र मोदी आणि महाराष्ट्राचे मुख्यमंत्री देवेंद्र फडणवीस यांच्याकडे मदतीसाठी विनंती केली आहे. अमेरिका-इराण युद्धाच्या पार्श्वभूमीवर कुवेतमध्ये त्यांचा मुलगा अडकला आहे. त्यामुळे दुबईतून नागरिकांना ज्या पद्धतीने परत आणले, तसेच कुवेतमधील भारतीयांनाही सुखरुप परत आणण्यासाठी मदत करण्यात यावी अशी विनंती त्यांनी केली आहे.(Vishakha Subhedar son stranded in Kuwait)

 

"कुवैतमधील भारतीय दुतावासानेही त्याला मदत केली आहे. परंतु आता त्यांना भारतात परत आणण्याची व्यवस्था करावी. जसे दुबईतील लोकांना परत आणण्याची व्यवस्था करण्यात आली, तशी व्यवस्था कुवैतमध्ये अडकलेल्या भारतीयांनाही परत आणण्याची व्यवस्था करावी ही त्यांना कळकळीची विनंती आहे. अनेक भारतीय, अनेक पोरांच्या आया, अनेक कुटुंब त्यांची इथे मायदेशी वाट पाहत आहेत. त्यामुळे त्यांना लवकरात लवकर परत आणण्याची व्यवस्था करावी. त्यांची योग्य ती काळजी घ्यावी, एवढीच विनंती मी सरकारला आणि भारताच्या पंतप्रधानांना यांना करत आहे. त्यांनी या लवकरात लवकर या स्थितीतून एखादा मार्ग काढावा," असे विशाखा यांनी आपल्या व्हिडिओत म्हटले आहे.(Vishakha Subhedar son stranded in Kuwait)