Gold price drop: युद्धानंतर सोनं-चांदी कोसळलं! ५३ दिवसांत हजारोंची घसरण; अजून कमी होणार?

 

मुंबई : (Gold price drop) अमेरिका, इस्रायल आणि इराण यांच्यातील तणाव जरी आता कमी झाला असला, तरी त्याचा परिणाम आता थेट जागतिक आणि भारतीय सराफा बाजारावर दिसून येत आहे. सोनं आणि चांदीच्या दरांमध्ये मोठी अस्थिरता निर्माण झाली असून, गेल्या काही आठवड्यांत मोठी घसरण नोंदवली गेली आहे. (Gold price drop)

 

गेल्या सुमारे ५३ दिवसांत सोन्याच्या किमतीत तब्बल ३० ते ४० हजार रुपयांची घसरण झाली आहे. तर चांदीच्या दरात प्रति किलो सुमारे १.८४ लाख रुपयांची घसरण झाल्याचे समोर आले आहे. ही घसरण विक्रमी उच्चांक गाठल्यानंतर झालेल्या नफावसुलीशी संबंधित असल्याचे तज्ज्ञांचे मत आहे. (Gold price drop)

 

सध्या भारतात २४ कॅरेट सोन्याचा दर सुमारे १.४० ते १.४५ लाख रुपये प्रति १० ग्रॅम दरम्यान आहे. दररोजच्या व्यवहारानुसार या किमतीत चढ-उतार होत असले तरी, अजूनही हा दर १ लाख रुपयांपेक्षा खूपच वर आहे. काही विश्लेषकांनी सोन्याचा दर भविष्यात १ लाख रुपयांच्या खाली येण्याची शक्यता व्यक्त केली असली, तरी तो सध्या केवळ अंदाज असल्याचे सांगितले जात आहे. (Gold price drop)

 

दरम्यान, सुरुवातीला युद्धतणावामुळे गुंतवणूकदारांनी सोनं-चांदीकडे “सेफ हेवन” म्हणून धाव घेतल्याने दर वाढले होते. मात्र, अमेरिकेतील व्याजदर धोरणांमध्ये बदल होण्याच्या शक्यतेमुळे गुंतवणूकदार आता बॉण्ड्स आणि बँक ठेवींमध्ये वळत आहेत. त्यामुळे मौल्यवान धातूंवरील मागणी कमी होऊन दर घसरले आहेत. (Gold price drop)

 

चांदीच्या बाबतीत औद्योगिक वापर मोठा असल्याने मागणीत चढ-उतार होत राहतात. विक्रमी उच्चांकानंतर झालेल्या नफावसुलीमुळे आणि औद्योगिक मागणीत अस्थिरता आल्यामुळे चांदीच्या दरात मोठी घसरण झाली आहे. एकूणच, जागतिक राजकीय घडामोडी, व्याजदर धोरणे आणि गुंतवणूकदारांचा कल यावरच पुढील काळात सोनं-चांदीचे दर अवलंबून राहणार असल्याचे तज्ज्ञांचे मत आहे. (Gold price drop)