PMC Mayor : पुण्याच्या महापौरपदी मंजुषा नागपुरे तर उपमहापौरपदी परशुराम वाडेकर यांची बिनविरोध निवड

राष्ट्रवादी काँग्रेसच्या शितल सावंत आणि काँग्रेसच्या अश्विनी लांडगे यांनी महापौर पदाच्या निवडणुकीतून माघार घेतली आहे. तर राष्ट्रवादी काँग्रेसचे दत्तात्राय बहिरट आणि काँग्रेसचे साहिल केदारी यांनी उपमहापौर पदाच्या निवडणुकीतून माघार घेतली आहे. पुणे महापालिकेत भाजपची एकहात्ती सत्ता असल्यामुळे या निवडणुकीत नागपुरे आणि वाडेकर यांचा विजय झाला आहेत. (PMC Mayor Manjusha Nagpure)

मंजुषा नागपुरे या पुणे महानगरपालिकेतील सर्वांत उच्चशिक्षित नगरसेविकांपैकी एक आहेत. नागपुरे या सलग तिसऱ्यांदा नगरसेवक म्हणून निवडून आल्या आहेत. यंदाच्या महापालिका निवडणुकीत त्यांनी प्रभाग क्रमांक ३४ मधून बिनविरोध विजयी झाल्या आहेत. मंजूषा नागपुरे या भाजपच्या निष्ठावंत नगरसेविका म्हणून ओळखल्या जातात. त्यांचे पती दीपक नागपुरे हे कट्टर उजव्या विचारसरणीचे नेते व भाजपाचे पदाधिकारी आहेत. त्यांच्या माध्यमातूनच महिला राखीव जागेवरून त्यांनी निवडणूक राजकारणात प्रवेश केला. महापालिकेच्या कामाच त्यांचा चांगला अनुभव आहे. स्थायी समितीसारख्या महत्त्वाच्या समितीवर त्यांनी काम केलेले आहे. (PMC Mayor Manjusha Nagpure)