लँडिंगदरम्यान तेजस फायटर जेटचे 'ब्रेक फेल'! हवाई दलाकडून ३० विमानांच्या उड्डाणाला स्थगिती

या घटनेनंतर हवाई दलाने उच्चस्तरीय चौकशीचे आदेश दिले आहेत. जोपर्यंत तांत्रिक तपास पूर्ण होत नाही, तोपर्यंत तेजस विमानांचे उड्डाण रोखण्यात आले आहे. तेजस विमानाच्या दुबई एअरशो मधील अपघातामध्ये वैमानिकाचा मृत्यू झाला होता. गेल्या वर्षी नोव्हेंबरमध्ये हा अपघात झाला होता. यापूर्वी मार्च २०२४ मध्ये जैसलमेरजवळ तेजस विमानाचा अपघात झाला होता. गेल्या दोन वर्षांतील हा तिसरा मोठा अपघात असल्याने स्वदेशी विमान कार्यक्रमावर आता प्रश्नचिन्ह उपस्थित केले जात आहेत.