विकसित भारत २०४७ : सुरक्षित कामगार, सक्षम राष्ट्र

सात अत्याधुनिक उत्पादन युनिट, सुमारे सहा लाख चौ. फूटांहून अधिक विस्तारलेली सुविधा आणि दररोज सुमारे १५ लाख युनिट्स तयार करण्याची क्षमता यांमुळे कंपनी जागतिक स्तरावर स्पर्धा करू शकते. औद्योगिक क्षेत्र, आरोग्यसेवा, पायाभूत सुविधा, आपत्कालीन प्रतिसाद, लीनरूम आणि उत्पादन उद्योग अशा विविध क्षेत्रांत तिची उत्पादने वापरली जातात. उच्च दर्जाची पीपीई किट्स, आय-प्रोटेशन सोल्यूशन्स, रेस्पिरेटरी मास्क आणि हेपा एअर फिल्ट्रेशन सिस्टम यांसारखी उत्पादने टिकाऊपणा, उत्कृष्ट कार्यक्षमता आणि राष्ट्रीय-आंतरराष्ट्रीय मानकांचे पालन लक्षात घेऊन विकसित केली जातात. संशोधन आणि विकासातील सातत्यपूर्ण गुंतवणुकीमुळे नावीन्यपूर्ण तंत्रज्ञान विकसित झाले असून कंपनीची उत्पादने आज ३२ पेक्षा अधिक देशांमध्ये निर्यात होतात. यामुळे भारतीय उत्पादनाची गुणवत्ता जागतिक पातळीवर अधोरेखित झाली आहे.

 

कंपनीची सामाजिक जबाबदारी ही तितकीच उल्लेखनीय आहे. स्थानिक युवकांना रोजगाराच्या संधी, महिलांचा मोठ्या प्रमाणातील सहभाग, कौशल्य विकास कार्यक्रम, संरचित इंटर्नशिप, अनुदानित पौष्टिक आहार, नियमित वैद्यकीय तपासणी आणि सुरक्षित कार्यपरिसर या माध्यमातून उद्योग आणि समाज यांच्यात विश्वासाचे नाते निर्माण झाले आहे. उद्योग केवळ नफ्यासाठी नसून, समाजाच्या सर्वांगीण विकासासाठी असतो, याची जाणीव या उपक्रमांतून दिसून येते.

 

आज भारत औद्योगिक विस्ताराच्या नव्या टप्प्यावर उभा आहे. स्मार्ट मॅन्युफॅचरिंग, डिजिटल तंत्रज्ञान आणि जागतिक निर्यात यांचा वेग वाढत असताना सुरक्षेचे महत्त्व अधिक वाढले आहे. सुरक्षित कामाचे वातावरण ही केवळ कायदेशीर अट नसून प्रत्येक कामगाराचा मूलभूत हक्क आहे. भूतकाळातील अपघातांनी दिलेला धडा आणि भविष्यातील प्रगत उद्योगांची वाढ लक्षात घेता, ‘व्हीनस सेफ्टी’सारख्या कंपन्या भारताला सुरक्षित, सक्षम आणि आत्मनिर्भर औद्योगिक राष्ट्र म्हणून अधिक ठामपणे उभे करण्यास हातभार लावत आहेत.