Floating Jetty in Versova-Madh : वर्सोवा-मढमध्ये साकारणार आधुनिक तरंगती जेट्टी

मुंबई : (Floating Jetty in Versova-Madh) वर्सोवा मढ परिसरात बंदरे विभागाअंतर्गत सुरू असलेल्या विविध विकासकामांची राज्याचे मत्स्यव्यवसाय व बंदरे विकास मंत्री नितेश राणे यांनी प्रत्यक्ष पाहणी केली. सोमवार,दि.१६ रोजी नितेश राणे यांनी कामांचा सविस्तर आढावा घेत संबंधित अधिकाऱ्यांना आवश्यक सूचना दिल्या. ही सर्व विकासकामे ठरलेल्या कालमर्यादेत व दर्जेदार पद्धतीने पूर्ण करण्याचे निर्देश त्यांनी दिले.(Floating Jetty in Versova-Madh)

 

वर्सोवा व मढ येथे १.४७ कोटी रुपये खर्च करून आधुनिक तरंगत्या जेट्टीचे (Floating Jetty in Versova-Madh) निर्माण करण्यात येत आहे. या प्रकल्पासाठी आवश्यक तरंगत्या साहित्याची खरेदी प्रक्रिया सध्या प्रगतीपथावर असून, लवकरच प्रत्यक्ष कामास सुरुवात होणार आहे. तरंगत्या जेट्टीच्या (Floating Jetty in Versova-Madh) सभोवतालच्या परिसराचे रु.३.२१ कोटी रुपये निधीतून सुशोभीकरण करण्यात येणार आहे. यासाठी आवश्यक मनुष्यबळ व यंत्रसामग्री एकत्रित करण्याचे काम सध्या सुरू असून, परिसराचा सर्वांगीण विकास साधण्यात येणार आहे. वर्सोवा येथे मच्छीमार बांधवांच्या सुरक्षिततेच्या दृष्टीने मासेमारी प्लॅटफॉर्म मजबूत करण्याचे काम प्रगतीपथावर आहे. सुमारे रु. ३.५० कोटी खर्चून हा प्रकल्प राबवण्यात येत असून, यामुळे मच्छीमारांना अधिक सुरक्षित व सुलभ सुविधा उपलब्ध होणार आहेत.(Floating Jetty in Versova-Madh)

 

 

वर्सोवा मासेमारी बंदराच्या सर्वांगीण विकासासाठी रु. ४९९ कोटी खर्चाचा प्रस्ताव प्रशासकीय मंजुरीसाठी भारत सरकारकडे पाठवण्यात आला आहे. या प्रकल्पामुळे वर्सोवा परिसरातील मत्स्यव्यवसायाला मोठी चालना मिळणार असल्याची ग्वाही यावेळी मंत्री नितेश राणे यांनी दिली.(Floating Jetty in Versova-Madh)